സ്വതന്ത്ര പത്രപ്രവര്‍ത്തനത്തിന്‌ ഒരാമുഖം
നീ
വർത്തമാനം പറഞ്ഞിരുന്നത്
മേഘമൽഹാർ
രാഗത്തിലാണെന്ന്
എനിക്ക് തോന്നാറുണ്ട്,
ഓരോ വട്ടം പറഞ്ഞുതീരുമ്പോഴും
മഴ
എനിക്ക് ചുറ്റും, എന്നിലാകെ
നിർത്താതെ പെയ്യാറുണ്ട്…
അപ്പോഴൊക്കെ
എന്റെ ഹൃദയം
ചുവപ്പിൽ
വെള്ള നന്ത്യാർവട്ടപ്പൂക്കളുള്ള കുഞ്ഞുടുപ്പിട്ടൊരു
കുട്ടിയാണ്….
മഴ തോർന്ന്,
ഉടുപ്പിന്റെ നിറം മങ്ങി,
പൂക്കൾ കൊഴിയുമ്പോൾ
വെറുതെയെങ്കിലും
നിനച്ചുപോകുന്നു
നമുക്ക് സ്വപ്നങ്ങളിൽ
ജനിക്കുകയും
മരിക്കുകയും
ചെയ്യാമായിരുന്നു….
സ്വതന്ത്ര പത്രപ്രവര്‍ത്തനത്തിന്‌ ഒരാമുഖം.
കാണുന്നതും കേള്‍ക്കുന്നതും സത്യമാണ്‌.
എന്നാല്‍ കാണാന്‍ പാടില്ലാത്തതും കേള്‍ക്കാന്‍ പാടില്ലാത്തതും ഇഷ്ടംപോലെ.
സത്യമെങ്ങനെ പറയാം, എങ്ങനെ അനുഭവിക്കാം എന്നാലോചിക്കുന്ന പത്ര ഭാഷ്യത്തിലേക്ക്‌…
പോസിറ്റീവ് ജേര്‍ണലിസത്തിന്റെ പുനരാവിഷ്‌ക്കാരം.
ആശയങ്ങള്‍ക്കും സംവാദങ്ങള്‍ക്കും ഇടം തേടി ഒരു ഡിജിറ്റല്‍ മാഗസിന്‍.
പോസിറ്റീവ് ജേർണലിസത്തിന്റെ സാധ്യതകൾ പ്രയോജനപ്പെടുത്തി ഒരു സ്വതന്ത്ര മാധ്യമ സംസ്കാരത്തെ അടയാളപ്പെടുത്തുകയാണ് ഗോൾഡൻ വെയ്ൻ. കേരളത്തിലെ മാധ്യമ വിദ്യാർത്ഥികളും സാംസ്കാരിക ചിന്തകരും നേതൃത്വം നൽകുന്ന ഇതിന്റെ ലക്കങ്ങളിൽ പ്രസിദ്ധപെടുത്തുന്ന ആശയങ്ങൾക്ക് നിലവിലുള്ള ഒരു സാമൂഹ്യ-രാഷ്ട്രീയ-മത സംഘടനകളോടും ബന്ധമില്ല. എന്നാൽ ജീവിതം, കല, ശാസ്ത്രം, പരിസ്ഥിതി, നവ ആത്മീയത, പ്രത്യയശാസ്ത്രം ഇവയെല്ലാം ഇതിൽ വരും. ചിന്തയുടെയും സംവാദത്തിന്റെയും സൂക്ഷ്മതയിൽ പുതിയൊരവബോധവും മാനവികതയും ഗോൾഡൻ വെയ്ൻ ലക്ഷ്യം വെക്കുന്നു.
One Response
സൗഹൃദങ്ങൾ സ്വപ്നങ്ങളിൽ ജനിക്കും, ചിലപ്പോൾ സ്വപനങ്ങളിൽത്തന്നെ മരിക്കുകയും ചെയ്യും. നീറ്റൽ അവശേഷിക്കും.