സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

അർദ്ധശില്പങ്ങൾ

നസ്നിൻ സുൽഫത്ത് നാസ്സർ

 

ഒരു പുരുഷൻ താൻ സ്ത്രീയാണെന്നു പറയുമ്പോഴോ

ഒരു സ്ത്രീ താൻ പുരുഷനാണെന്നു പറയുമ്പോഴോ

നിങ്ങൾ നിങ്ങളുടെ കണ്ണുകളും കാതുകളും അടയ്ച്ചുകളയുന്നു

ചുറ്റും വലിയ മതിലുകളും വേലികളും കെട്ടിയുയർത്തുന്നു

വിശുദ്ധ ഗ്രന്ഥങ്ങൾ വായിക്കുന്നു

നിങ്ങളുടെ ദിനങ്ങൾ സുരക്ഷിതമാക്കി

പുതപ്പിനുള്ളിൽ ചുരുണ്ടു കൂടുന്നു.

അപ്പോഴും പുരുഷനായ സ്ത്രീയും

സ്ത്രീയായ പുരുഷനും

അർദ്ധശില്പങ്ങളായി 

തെരുവുകളിൽ അലഞ്ഞുതിരിയുന്നുണ്ടാകും 

പകുതി വെന്തതും

പകുതി പച്ചയായതുമായ

ഹൃദയങ്ങൾ പേറി

സൂര്യനു കീഴെ തിളച്ചുമറിഞ്ഞുകൊണ്ട്

ആൾക്കൂട്ടങ്ങൾക്കിടയിൽ ഞെരിഞ്ഞുകൊണ്ട്.

രാത്രികളിൽ അവർ കയ്യാലകളില്ലാത്ത

തങ്ങളുടെ ഭവനങ്ങളിലേക്കണയുന്നു 

അവരുടെ വന്യമായ പൂന്തോട്ടങ്ങൾക്ക്

നഷ്ടങ്ങളുടെ വിഷം നനയ്ക്കുന്നു

മാറിവെച്ച അവരുടെ ശരീരങ്ങളെ

 അവർ സ്വയം പ്രഹരിക്കുന്നു 

അലമുറയിടുന്ന സ്വന്തം ആത്മാവിനുവേണ്ടി ചരമഗീതങ്ങൾ കേൾക്കുന്നു 

അഭിനയങ്ങളിൽ സ്വയം തളർന്ന്

 കണ്ണീർ കുടിച്ചു തീർക്കുന്നു.

അവർ എന്നും പുതിയ ഒരു ഗ്രഹത്തെ

 സ്വപ്നം കാണുന്നു

ഭൂമി പോലെ തന്നെ

 മരങ്ങളും പർവ്വതങ്ങളും പുഴകളും സമുദ്രങ്ങളും

ഒക്കെയുള്ള ഒരു പുതിയ ഗ്രഹം 

പക്ഷെ അവിടുത്തെ ദൈവം 

കുറച്ചുകൂടെ കരുണയുള്ള ശില്പിയാണ് 

അവിടെ അവൻ അവർക്ക്

 മാലാഖമാരെ സമ്മാനിക്കും.

ലിംഗരഹിതരായ മാലാഖമാർ 

നമുക്കജ്ഞമായ 

സ്നേഹവും പ്രണയവും സ്വപ്നവും ഒക്കെ പേറി

അവർക്കൊപ്പം പറന്നുയരും

നമ്മുടെ കണ്ണെത്താത്ത ഒരിടത്തേക്ക്.

2 Responses

Leave a Reply

Your email address will not be published.

Share this post

സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം.
കാണുന്നതും കേള്‍ക്കുന്നതും സത്യമാണ്‌.
എന്നാല്‍ കാണാന്‍ പാടില്ലാത്തതും കേള്‍ക്കാന്‍ പാടില്ലാത്തതും ഇഷ്ടംപോലെ.
സത്യമെങ്ങനെ പറയാം, എങ്ങനെ അനുഭവിക്കാം എന്നാലോചിക്കുന്ന പത്ര ഭാഷ്യത്തിലേക്ക്‌…
പോസിറ്റീവ്‌ ജേര്‍ണലിസത്തിന്റെ പുനരാവിഷ്‌ക്കാരം.
ആശയങ്ങള്‍ക്കും സംവാദങ്ങള്‍ക്കും ഇടം തേടി ഒരു ഡിജിറ്റല്‍ മാഗസിന്‍.

Categories
സ്ത്രീ/പുരുഷൻ
(6)
സിനിമ
(15)
സാഹിത്യം
(18)
സംസ്കാരം
(2)
സമകാലികം
(1)
സംഗീതം
(9)
വിശകലനം
(4)
വിദ്യാഭ്യാസം
(10)
വാലന്റൈയിന്‍ ഡേ
(3)
വായന
(3)
ലേഖനം
(28)
റിപ്പോർട്ട്
(1)
യുദ്ധം
(4)
യാത്ര
(9)
പ്രസംഗം
(1)
പ്രവാസം
(4)
പുസ്തകപരിചയം
(15)
പരിസ്‌ഥിതി
(3)
നിരൂപണം
(9)
ചെറുകഥ
(23)
ചിത്രകല
(4)
കവിത
(116)
കഥ
(22)
കത്ത്
(2)
ഓർമ്മ/സ്വർണഞരമ്പ്
(16)
ആരോഗ്യം
(1)
ആത്മീയം
(4)
അഭിമുഖം
(6)
അനുഭവം
(11)
Featured
(3)
Feature
(2)
Editorial
(22)
Editions

Related

സർഗ്ഗാത്മകതയുടെ നാലു പതിറ്റാണ്ടുകൾ…..

ശാന്തിനികേതനിലെ തന്റെ കലയും ജീവിതവുമിഴചേർന്ന അനുഭവങ്ങൾപങ്കു വയ്ക്കുകയാണ് വെള്ളിനേഴിയിലെ വീട്ടിൽ നിന്നും ലതാ പൊതുവാൾ.വെള്ളിനേഴിയിലെ കഥകളിമേളത്തിനിടയിലും പച്ചപ്പിന്റെമനോഹാരിതയിലും, കുടുംബ ജീവിതം നയിക്കുമ്പോഴും ലതാപൊതുവാളിന്റെ മനസ്സിൽ നിന്നും…

ഗുരു

നാരായണ ഗുരു കടന്നുപോയ കാലം കേരളമില്ലായിരുന്നു, മലയാളമേ ഉണ്ടായിരുന്നുള്ളു. ഗുരു കടന്നുപോയതിനു ശേഷം കേരളമുണ്ടായി, അപരിചിതനായ ഒരു മനുഷ്യനെപ്പോലെ കേരളത്തിന്റെ കാലവളർച്ചയുടെ ഓരോ ദശകത്തിലും നാരായണൻ…

നാരായണഗുരു ഒരു ഇമ്മനെന്റലിസ്റ്റ് ചിന്തകൻ

ബുദ്ധനെയും ലാവോ സുവിനെയും പോലെ എല്ലാവർക്കും ഒറ്റധർമം എന്ന് സങ്കൽപ്പിച്ചയാളായിരുന്നു നാരായണഗുരു. ജഗത്തിൽ ഉള്ളടങ്ങിയ ഒന്നാണ് , ജീവന്റെ ജൈവികമായ ഒരു ശേഷിയാണ് ധാർമികമാവൽ എന്ന്…