വേനലവധിയാണ്!
വിരുന്നുണ്ട് !
ക്ഷണികനേരത്തേക്കെന്ന കാല്പനികാപേക്ഷ ഒപ്പിട്ട് സീൽ ചെയ്തത് പരസ്പരം കാണിച്ചിരിക്കണം;
എപ്പഴോ കിട്ടിയ വെയിലത്ത് ഉണക്കിയ മധുര മാങ്ങകളെയൊക്കെ ഞാൻ സമ്മാനിച്ചിരിക്കണം!
ഏച്ച് നിൽക്കുന്ന കാലപോറലുകളിൽ പണ്ട് സൂക്ഷിച്ച മഴ കുടഞ്ഞിരിക്കണം!
നീറിയിട്ടുണ്ടാവണം;
ഞാൻ പക്ഷേ വിശ്വാസിയല്ലാതായിരിക്കുന്നെന്ന് തോന്നിയതായി നിങ്ങൾ അഭിപ്രായപ്പെട്ടു..
നാൾക്കു നാൾ കണ്ണുകളിലേക്ക് നോക്കി കോണുകളെ കൊല്ലാനുള്ള ചിലത് എൻ്റെ സ്നേഹം നിങ്ങൾക്ക് സമ്മാനിച്ചിരിക്കണം!
അടങ്ങുവാനുള്ള ത്വര ആർത്തിയോടെ ഞാൻ നോക്കി നിന്നു!
നല്ലത്!!
കടം വാങ്ങലുകൾക്ക് ചേലുണ്ട്!
മൂപ്പെത്താത്ത ഉച്ചയുറക്കത്തിൻ്റെ ചടവും വെടിപ്പുമുണ്ട്!
രക്ഷ മാത്രം നിനക്കും എനിക്കും അപ്രാപ്യമെന്ന് സൂചിപ്പിച്ച് ഇന്നലെ നമ്മൾ കൊണ്ട മഴയൊക്കെ മറന്നോ?
സ്വന്തം!
ഒപ്പ്!!