എനിക്കെപ്പോഴാണു്
വാല് മുളച്ചത്
കൂർത്ത ചെവികൾ എപ്പോഴാണ് താഴേക്ക് തൂങ്ങിയത്
എന്റെ നാവുകൾ
എപ്പോഴാണ് കീഴ്ത്താടിക്കും കീഴെ
ഞാണ്ട് കിടന്നതു്
ഞാൻ എപ്പോഴാണ്
വാലാട്ടി തുടങ്ങിയതു്
എപ്പോഴാണ് പാദങ്ങൾ
നക്കി തുടങ്ങിയതു്
എപ്പോഴാണ് അനുസരണയാൽ
ചുരുണ്ടു കൂടി കിടന്നതു്
എപ്പോഴാണ് ഉശ്ചിഷ്ടം
ഭക്ഷിച്ചു തുടങ്ങിയതു്
അപ്പോഴാണ്
ഞാൻ കുരക്കാൻ മറന്ന് പോയതു്
വിഴുങ്ങിയതൊക്കെ
ഓക്കാനിച്ച്
വീണ്ടും രുചിയോടെ കഴിച്ചപ്പോഴാണ്
ഞാൻ കുരക്കാൻ മറന്നു പോയതു്
One Response
Amazing word’s