സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

ആദിപാപം

പൗലൊ കൊയ്ലൊ

വിവർത്തനം : എം.എ കാരപ്പഞ്ചേരി

(മൊറോക്കോയിൽ നിന്നുള്ള ഒരു സന്ദർശകനാണ് എന്നോട് ഇങ്ങനെ പൂർവ്വകഥ പറഞ്ഞത്. അവിടെ ചില ഗോത്രവർഗ്ഗക്കാർക്കിടയിൽ ആദിപാപത്തെക്കുറിച്ച് വേറിട്ടൊരു സങ്കല്പമാണുള്ളത്.)

ഹവ്വ ഏദൻ തോട്ടത്തിലൂടെ സഞ്ചരിക്കുകയായിരുന്നു. പാത്തും പതുങ്ങിയും സർപ്പവും അവൾക്കൊപ്പം ഇഴഞ്ഞുകൊണ്ടിരുന്നു.
അവൻ അവൾക്കുനേരെ ഒരാപ്പിൾ വെച്ചുനീട്ടി
“ ഇതാ ഈ ആപ്പിൾ തിന്നു.” ദൈവകല്പനയോർത്ത് അവൾ അത് നിരസിച്ചു.
സർപ്പം പറഞ്ഞു:
” ഇത് തിന്നു,ആദമിന്റെ മുന്നിൽ കൂടുതൽ സുന്ദരിയാവാൻ ഇത് തിന്നണം. “ ഇല്ല. എനിക്കതിന്റെ ആവശ്യമില്ല എന്റെ പുരുഷന് ഞാനല്ലാതെ മറ്റൊരു സ്ത്രീയുമില്ല”
സർപ്പം ചിരിച്ചുകൊണ്ട് പറഞ്ഞു :
“ തീർച്ചയായും ഉണ്ട്. അവൾ നിന്നേക്കാൾ സുന്ദരിയാണ്.”
ഹവ്വ തന്നെ വിശ്വസിക്കില്ലെന്ന് കണ്ടപ്പോൾ അവൻ അവളെ കുന്നിൻ മുകളിലുള്ള ഒരു കിണറ്റിന്റെ അടുത്തേക്ക് കൂട്ടിക്കൊണ്ടുപോയി
“ ഈ കിണറ്റിലേക്ക് നോക്കു. അവൾ അതിനടിയിലുണ്ട്. ആദം അവളെ അവിടെയാണ് ഒളിപ്പിച്ചിരിക്കുന്നത്.”

ഹവ്വ കിണറ്റിലേക്ക് എത്തിനോക്കിയതും സ്വന്തം പ്രതിരൂപം വെള്ളത്തിൽ പ്രതിഫലിച്ചു. അതീവസുന്ദരിയായ ഒരു യുവതി.പിന്നെ ഒട്ടും താമസിച്ചില്ല.
ഹവ്വ സർപ്പത്തിൽ നിന്ന് പഴം വാങ്ങി തിന്നു.
സ്വർഗത്തിലേക്ക് തിരിച്ചെത്താനുള്ള ഉപായവും പ്രസ്തുത ഗോത്രക്കാർക്കിട യിൽ പ്രചാരത്തിലുണ്ട്. വെള്ളത്തിൽ തെളിഞ്ഞുകാണുന്ന സ്വന്തം പ്രതിരൂപത്തെ ഭയപ്പെടാതെ തിരിച്ചറിയുന്ന ആർക്കും സ്വർഗത്തിൽ തിരിച്ചെത്താനാവുമത്രെ.

Leave a Reply

Your email address will not be published. Required fields are marked *

Share this post

Related

മഴ

ഇട മുറിയാതെ പെയ്യുന്ന മഴ ഇട മുറിയാതെ പെയ്യുന്ന മഴതണുപ്പ്, ചെറിയ കുളിര്ഇതെന്ത് മഴക്കലമാണ് ,ഒട്ടും തന്നെ മഴ യില്ല മഴയെ പഴിച്ചിട്ട് ആണോ അതോവെയിലിനു…

അതിര് വിട്ട് അതിര് കാത്ത ചിത്രങ്ങൾ

സാമൂഹികയാഥാർത്ഥ്യങ്ങളെ മുഖവിലയ്ക്കെടുത്തു കൊണ്ട് തന്നെയാണ് സിനിമയുടെ ശരീരനിർമ്മിതികൾ നടന്നിട്ടുള്ളത്. അതായത് സമൂഹത്തിൻ്റെ സാംസ്കാരിക രാഷ്ട്രീയ പ്രതിഫലനമാണ് സിനിമ എന്നർത്ഥം.പ്രാദേശികമായ ചരിത്രത്തെ ചുറ്റിപ്പറ്റിക്കൊണ്ട് പരീക്ഷണാടിസ്ഥാനത്തിൽ വൈവിധ്യങ്ങളിൽ നിന്ന്…

ഇന്ദുഗോപന്റെ അതീന്ദ്രിയാനുഭവങ്ങൾ

ശ്രീമതി സ്മിത .സി യുടെ ‘ഐന്ദ്രികം’ എന്ന നോവൽ ഒരു കൗതുകത്തോടെയാണ് വായിച്ചു തുടങ്ങിയതെങ്കിലും അത് ഒരു പഠനത്തിലാണ് അവസാനിച്ചത്. വളരെ ആഴത്തിൽ അതും തന്മയത്വമായി…