സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

വാക്ക്

ജ്യോതി സനിൽ

വാക്ക് അഗ്നിയാണ്….
അക്ഷരങ്ങളിൽ കത്തിജ്വലിച്ച്
തീക്ഷ്ണാർത്ഥങ്ങളുടെ ലാവയായി
ഉരുകിയൊലിച്ച് ഹൃദയാന്തരാളങ്ങളിലേയ്ക്ക്
ആഴ്ന്നിറങ്ങി വേദനിപ്പിച്ചും
സാന്ത്വനിപ്പിച്ചും അതൊരേ സമയം
പുഞ്ചിരിക്കുകയും കരയുകയും ചെയ്യുന്നു…

ചിന്തകൾ സമരസപ്പെടുന്നിടത്ത്
ശലഭവർണ്ണങ്ങളുടെ താഴ്‌വരയിൽ
അത് വാഗ്ദാനങ്ങളുടെ പെരുമഴയായി
കുത്തിയൊലിച്ച് പൂട്ടി വെച്ച
പ്രണയത്തിന്റെ തുരുമ്പെടുത്ത
താഴുപോലെ മിനുസമില്ലാത്ത
പ്രതലത്തിലേക്ക് സ്വയമൊതുങ്ങുന്നു…

ഇടക്ക് ഒരു കുഞ്ഞു പക്ഷിയുടെ
ചിറകടിയായി ഉണർന്നെണീറ്റ്
അനന്തതയിലലിഞ്ഞ്
കാത്തിരിപ്പിന്റെ ഒടുങ്ങാത്ത
വേദനകളെ നെഞ്ചിലൊതുക്കി
ഒരു പളുങ്കുപാത്രത്തിന്റെ
സ്നിഗ്ദ്ധതയോടെ
ഒറ്റപ്പെടലിന്റെ താഴ്‌വരകളിലേക്ക് നുറുങ്ങി വീഴുന്നു…

വാക്ക് അഗ്നിയാണ്….
കാരിരുമ്പിന്റെ മൂർച്ചയുള്ള
അക്ഷരങ്ങളെ രാകിയെടുത്തും
വിളക്കിച്ചേർത്തും അത്
ജിവിതക്കാഴ്ച്ചകളിലേയ്ക്ക്
പടർന്നു കയറുന്നു…

Leave a Reply

Your email address will not be published. Required fields are marked *

Share this post

Related

തേനും വയമ്പും (കുട്ടികളുടെ) നാവിൽ…

കൊച്ചു കുട്ടികളുടെ വായിൽ തേനും വയമ്പും അരച്ചു കൊടുക്കുന്നത് ഒരു ആചാരമായി ഇപ്പോളും പലരും ചെയ്യാറുണ്ട്. ജനിച്ചു വളരെ കുറച്ചു ദിവസങ്ങളായ കുട്ടികൾക്കു പോലും ‘ബുദ്ധി’…

ഉടമസ്ഥൻ

 കള്ളത്താക്കോലിട്ട് വീട് തുറക്കണമെന്ന് മധുര മണി കരുതിയതല്ല. കള്ളത്താക്കോലോ! ശ്ശെ, ശരിക്കുള്ള താക്കോൽ!  രാവിലെ പതിവുപോലെ പതിനഞ്ച് മിനിട്ട് നടന്ന് വഴിച്ചന്തയിൽ പോയി പെടപ്പിച്ച് കാണിച്ച…

അര്‍ത്ഥമില്ലാത്ത വാക്കുകള്‍

‘ മലമരംപുഴകാറ്റ്ചരിത്ര ഗവേഷകരാണ്ചിതലരിച്ച് നശിച്ചു പോയആ വാക്കുകള്‍ കണ്ടെത്തിയത്.കണ്ടെത്തിയാല്‍ മാത്രം പോരഅര്‍ത്ഥം വ്യക്തമാക്കണം.തല പുകഞ്ഞാലോചിച്ചുഗൂഗിളില്‍ സെര്‍ച്ച് ചെയ്തുമോഡേണ്‍ ഡിക്ഷണറികളിലൊന്നുംആ വാക്കുകളില്ല.ഒടുവില്‍ഗവേഷകരൊന്നിച്ച് തീരുമാനമെടുത്തു.ഇന്റര്‍വ്യൂ. കീറിപ്പറിഞ്ഞ ഓസോണ്‍ പുതച്ച്പനിച്ച്…