സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

വഴിക്കാഴ്ചകൾ

ബീഗം


ആഹ്ലാദത്തിൻ്റെ കൈ പിടി –
യിലമർന്ന യാത്രയിൽ
വഴി തിരിഞ്ഞത്
നൊമ്പരകുപ്പായ –
മണിഞ്ഞവരുടെ
ഊടുവഴികളിലൂടെ
വെട്ടിത്തിളച്ച വെള്ളത്തിൻ
കാത്തിരിപ്പ് ………..
പൊള്ളലേറ്റ നഗ്നപാദൻ്റെ
വിയർപ്പിൻ മണികൾക്കായ്…….
ഉന്മാദിനിയുടെ
ഉദരത്തുടിപ്പിന്നാശ
പാതയോരത്തെ
പൈപ്പുവെള്ളം………
ഇരുളിൽ
വിറങ്ങലിച്ചിരിക്കുന്ന വാർദ്ധക്യത്തിനു
കൂട്ടിനായൊരു നായ….
അന്ത്യകർമ്മങ്ങൾക്കു
കാതോർക്കുന്ന
ശവക്കൂമ്പാരങ്ങൾ……
മുഖം മറച്ചു നിൽക്കുന്നു
അഭിമാനക്ഷതമേറ്റ
പട്ടിണിക്കോലങ്ങൾ…..
നരാധമൻ്റെ കൺവലയിൽ
കുടുങ്ങിയ പരൽ മീൻ
പിടച്ചിൽ…..
കലഹം വിതച്ച കുടുംബ പാടത്ത്
അരിഞ്ഞെടുക്കുന്നു
കൂടപ്പിറപ്പിൻ തലക്കറ്റകൾ…..
ഇരുണ്ട ചുമരുകളിൽ
ചാരിയിരിക്കുന്നു
നിസ്സഹായതയുടെ
നെടുവീർപ്പുകൾ……
മരണത്താലിചാർത്തുന്നു
അല്പായുസ്സിൻ കണ്ഠത്തിൽ
പിന്നിലെയലമുറകള –
വഗണിച്ചോടുന്നു
കുടിവെയ്പിനായ്
രാഹുകാലം നോക്കി…..
കനവു കണ്ടൊരു
പൊൻതാലിയോ
കുരുക്കിടുന്നു
കുടില തന്ത്രത്താൽ……..
മനസ്സ് പിടയുന്നൊരു
കാഴ്ച കാൺമു
ഇരുട്ടിലൊരു പെൺപക്ഷി
ഇടവിട്ട് കരയുന്നു
ഇണയെ ‘ വേർപെട്ടതിനല്ല
ഉയിരു വേർപെടാതിരിക്കാൻ
നൊമ്പരക്കാഴ്ചയുടെ
ഊടുവഴികൾ കടന്ന്
നേർ പാതകളുടെ
അരികിലെത്താനാകുമോ?

Leave a Reply

Your email address will not be published. Required fields are marked *

Share this post

Related

ഓരോരോ സ്ത്രീകൾ
ഓരോരോ ഋതുക്കൾ

ആദ്യ പുസ്തകമായ “ഇന്ത്യൻ റെയിൻബോ” യിലൂടെ അത്രയും പ്രിയപ്പെട്ട എഴുത്തുകാരിയായി മാറിയ ലെഫ്റ്റനന്റ് കേണൽ ഡോ സോണിയ ചെറിയാന്റെ രണ്ടാമത്തെ പുസ്തകം ഇറങ്ങുന്നു എന്നറിഞ്ഞപ്പോൾ തന്നെ…

പ്രസംഗം

പ്രസംഗികൻ സ്റ്റേജിൽ ഇന്നത്തെ ജാതി, മത, വേർതിരിവിനെപ്പറ്റിയും, ദുഷിച്ച ചിന്തെയെപ്പറ്റിയും അദ്ദേഹം വാതോരാതെ സംസാരിച്ചു. ജാതി ചിന്ത ഇന്നത്തെ സമൂഹത്തിൽ നിന്നും തുടച്ചുനീക്കേണ്ട കാര്യത്തെപ്പറ്റി അദ്ദേഹംഘോര…

പ്രണയലേഖനം

പിശുക്കരിലും പിശുക്കനായ കാമുകാ ..കുറച്ചധികം വിസ്തരിച്ചൊരു മെസ്സേജ് അയച്ചാൽഇന്ത്യയിലോ വിദേശത്തോ നിനക്ക് കരം കൊടുക്കേണ്ടി വരുമോ … ഒരു മുതല്മുടക്കുമില്ലാത്ത സ്മൈലിഅതിപ്പോഉമ്മയായാലുംചോന്ന ഹൃദയമായാലുംഒന്നോ രണ്ടോ .അല്ലാതെഅതില്കൂടുതൽ…