സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

വണ്ടിമണക്കുന്ന മുല്ലകൾ

വിജെ തോമസ്

ഒഴുകുന്ന
കമ്പാർട്ടു മെന്റുകളിൽ
കാലംനട്ടുവളർത്തിയ മുല്ല
വള്ളികൾ ഞാത്തിയിടുന്ന
പെൺകുട്ടിയോടുപൂവു
ചോദിക്കുന്നുണ്ടു പലവടിവു
കളിലാടിയുലഞ്ഞാടും
പത്തിയൊതുക്കിയ
ചലനങ്ങൾ

ഓരോ
നോട്ടത്തിലുമെരിഞ്ഞുകത്തും
നിലവിളിയുടെ
യടുപ്പുകല്ലുകൾ പുറത്തു
കാട്ടാതെ വെളുക്കുന്നുണ്ടു
വിടർന്നുനിരയൊത്ത
മൊട്ടുകൾ

ചുരം കടക്കുമ്പോൾ
പലവട്ടമപായചങ്ങലവലിച്ചിട്ടും
തകർന്നൊരുപ്രണയത്തിലൂടെ
നിത്യവും നിർത്താനാവാതെ
യോടുകയാണെന്നിട്ടും
ഒഴിഞ്ഞകൂടുവിൽക്കാതെ
കടക്കെണി മഞ്ഞച്ച
പലപാളം

എന്നാലും
കയറിപ്പറ്റുന്നുണ്ട്
ഓരോസ്റ്റേഷനിലും
കുത്തിനിറച്ചയോർമ്മകളുടെ
കനംതൂങ്ങിയബാഗുകൾ
വലിച്ചുകേറ്റുന്നുണ്ടു
മുറുകിയമുഖത്തു നിലച്ചു
തളംകെട്ടിക്കിടപ്പുണ്ടു
കണ്ണുകൾ

ചൂളം
വിളിച്ചാടിയുലഞ്ഞു
പായുംവണ്ടിയിലപരിചിതം
നിലച്ചൊരുറിസ്റ്റുവാച്ചൂർന്നു
വീഴുന്നുണ്ടാരുടെയോ
പാതിഞെരക്കം
വഴിയിൽ

ഈച്ചകൾ
റീത്തുവെക്കുന്നുണ്ടു
താഴെവീണു ചതഞ്ഞരഞ്ഞൊരു
മണത്തിന്മേൽപേരെഴുതാതെ
നേരമൊരു വൃത്തം

Leave a Reply

Your email address will not be published. Required fields are marked *

Share this post

Related

ഒ എൻ വി - മലയാളകവിതയുടെ ഉപ്പ്

ഒ എൻ വി യുടെ കവിത പ്രധാനമായും മലയാളത്തിലെ കാൽപ്പനികതയുടെ അവസാനഘട്ടത്തിന്റെ സ്വഭാവമാണ് കാണിക്കുന്നത്. ആശാനിലും വിസി ബാലകൃഷ്ണപ്പണിക്കരിലും കാല്പനികത കുറേക്കൂടി മൗലികത ഉള്ളതായിരുന്നു. ചങ്ങമ്പുഴയിലേക്കു…

മോഹിനിയാട്ടത്തിന്റെ മാതൃസങ്കൽപ്പം

കലാമണ്ഡലംകല്യാണിക്കുട്ടിയമ്മ – വിടപറഞ്ഞ് ഇരുപത്തിനാലാണ്ട്. സ്മരണാഞ്‌ജലി🙏 പെൺകുട്ടികൾക്ക് വളരെയധികം നിയന്ത്രണം കൽപ്പിച്ചിരുന്ന കാലഘട്ടത്തിന്റെ സന്തതിയായിരുന്നു കല്യാണിക്കുട്ടിയമ്മ. ആട്ടവും പാട്ടുമെല്ലാം പെണ്ണുങ്ങൾക്ക് നിഷിദ്ധം എന്ന് വിശ്വസിക്കുകയും ആ…

രുചികളുടെ ഉത്സവം

ഭക്ഷണത്തിന്റെ രുചിയും മണവുമാണ് തുര്‍ക്കിയെപ്പറ്റിയുള്ള ഓര്‍മ്മകളില്‍ ഏറ്റവും തെളിഞ്ഞു നില്‍ക്കുന്നതെന്ന് അവിടം സന്ദര്‍ശിച്ച ആരും സംശയം കൂടാതെ പറയും. കബാബിന്റെയും ഉരുകിയ വെണ്ണയുടെയും കനലില്‍ ചുട്ടെടുക്കുന്ന…