സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

കൂട്ട്

ഷീന വർഗീസ്

കണക്കുകൾ നോക്കാതെ ,
ലാഭനഷ്ടങ്ങളുടെ കൂട്ടിക്കിഴി
ക്കലുകളില്ലാതെ ,
ഞാനും നീയുമില്ലാതെ ,
വെറും മനുഷ്യർ മാത്രമാകാൻ കഴിയുന്നൊരു
സൗഹൃദമുണ്ടായിരുന്നെങ്കിലെന്ന്
ആഗ്രഹിച്ചിട്ടുണ്ടോ ?

നിന്നിലെ അപരന്റെ ഭ്രാന്തുകളുടെ
കൂടാരത്തിൽ ഒന്നിച്ചിരുന്ന്
പൊട്ടിച്ചിരിക്കാനും , തേങ്ങിക്കരയാനും
കഴിയുന്നൊരാൾ ….

തിരകളിലേക്കിറങ്ങി നടക്കുന്ന നിന്റെ
കാൽപ്പാടുകളെ മായ്ച്ച് തിരയായി
വന്ന് നിന്നെ മൂടിപ്പോകുന്നൊരാൾ …

തണൽത്തേടി അലയുന്ന നേരത്ത്
അരികിൽ കിളിർത്ത മരമായി
നിനക്കു മീതെ കുടയാകുന്നൊരാൾ ..

ഒന്നും മിണ്ടാനില്ലാതെ ശൂന്യതയിലേക്ക്
ചെവിയോർത്തിരിക്കുന്ന നിന്റെ
മുന്നിലേക്ക് കഥകളുടെ ഭാണ്ഡവുമായി വന്നെത്തുന്ന കൂട്ട് …

ആവി പറക്കുന്നൊരുകപ്പു ചായയുമായി അടുത്തെത്തി
ചാരിയിരുന്നു കുടിച്ചോളൂന്ന് പറഞ്ഞ്
തോളു ചായ്ച്ചുതരുന്ന സൗഹൃദം …

പരസ്പരം മിണ്ടാതെ വെറുതെ
വിരലുകൾ കോർത്ത് എത്രയോ
ദൂരമൊപ്പം നടക്കാൻ കഴിയുന്നൊരാൾ …

വഴിയരികിൽ പൂത്തുനിൽക്കുന്ന
കാക്കപ്പൂവിലും തൊട്ടാവാടിയിലും
ഇന്നും ബാല്യത്തിന്റെ കൗതുകങ്ങളുറങ്ങുന്നുണ്ടെന്നു
പറയുന്നൊരു സ്നേഹിതൻ…

മറന്നുപോയ മഴതണുപ്പിലേക്ക്
വീണ്ടുമൊരിക്കൽക്കൂടി കൈനീട്ടാൻ
ധൈര്യം തരുന്നൊരാൾ ..
എന്നോ നടന്നു തീർന്നിടവഴികളിൽ ഓർമകളുടെ പൊട്ടുകൾ തിരയാൻ വിളിക്കാതെ കൂട്ടുവരികയും,
വരണ്ടുപോയ പ്രണയച്ചാലുകളെ
കീറിയെടുത്ത് ഇനിയുമുറവകൾ
ബാക്കിയുണ്ടെന്നോർപ്പിക്കുകയും
ചെയ്യുന്നവൻ …

അങ്ങനെയൊരു സൗഹൃദം ….
കണക്കുകൾ നോക്കാതെ ,
ലാഭനഷ്ടങ്ങളുടെ കൂട്ടിക്കിഴി
ക്കലുകളില്ലാതെ ,
ഞാനും നീയുമില്ലാതെ ,
വെറും മനുഷ്യർ മാത്രമാകാൻ കഴിയുന്നൊരു
സൗഹൃദം ആഗ്രഹിക്കുന്നില്ലേ
ഞാനും നീയും ?

Leave a Reply

Your email address will not be published. Required fields are marked *

Share this post

Related

ഒ എൻ വി - മലയാളകവിതയുടെ ഉപ്പ്

ഒ എൻ വി യുടെ കവിത പ്രധാനമായും മലയാളത്തിലെ കാൽപ്പനികതയുടെ അവസാനഘട്ടത്തിന്റെ സ്വഭാവമാണ് കാണിക്കുന്നത്. ആശാനിലും വിസി ബാലകൃഷ്ണപ്പണിക്കരിലും കാല്പനികത കുറേക്കൂടി മൗലികത ഉള്ളതായിരുന്നു. ചങ്ങമ്പുഴയിലേക്കു…

മോഹിനിയാട്ടത്തിന്റെ മാതൃസങ്കൽപ്പം

കലാമണ്ഡലംകല്യാണിക്കുട്ടിയമ്മ – വിടപറഞ്ഞ് ഇരുപത്തിനാലാണ്ട്. സ്മരണാഞ്‌ജലി🙏 പെൺകുട്ടികൾക്ക് വളരെയധികം നിയന്ത്രണം കൽപ്പിച്ചിരുന്ന കാലഘട്ടത്തിന്റെ സന്തതിയായിരുന്നു കല്യാണിക്കുട്ടിയമ്മ. ആട്ടവും പാട്ടുമെല്ലാം പെണ്ണുങ്ങൾക്ക് നിഷിദ്ധം എന്ന് വിശ്വസിക്കുകയും ആ…

രുചികളുടെ ഉത്സവം

ഭക്ഷണത്തിന്റെ രുചിയും മണവുമാണ് തുര്‍ക്കിയെപ്പറ്റിയുള്ള ഓര്‍മ്മകളില്‍ ഏറ്റവും തെളിഞ്ഞു നില്‍ക്കുന്നതെന്ന് അവിടം സന്ദര്‍ശിച്ച ആരും സംശയം കൂടാതെ പറയും. കബാബിന്റെയും ഉരുകിയ വെണ്ണയുടെയും കനലില്‍ ചുട്ടെടുക്കുന്ന…