സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

ഋതുഭേദങ്ങൾ

ജ്യോതി സനിൽ

ഋതുക്കൾ മഴ നനഞ്ഞും
പൂവണിഞ്ഞും മഞ്ഞുതിർന്നും
ഇലപൊഴിച്ചും
അതിവേഗചലനങ്ങളിൽ
ശലഭദളങ്ങൾ വിടർത്തിയങ്ങനെ…

നീണ്ട പക്ഷങ്ങളിലാഹുതി ചെയ്ത
മേഘവിസ്മയങ്ങളുടെ
രൗദ്രതാളങ്ങളിൽ
നനഞ്ഞമർന്ന് ഒരു കിളിക്കൂട്….

സ്വരവിന്യാസങ്ങളുടെ
ചിന്മുദ്രകളിൽ കാലം ഋതുഭേദങ്ങളെ
അളന്നെടുത്ത് സമ്മാനിച്ചപ്പോൾ
പേരറിയാപ്പൂവുകളുടെ
സുഗന്ധമായി ഈ ജീവിതം….

ഊരുചുറ്റിയ സ്വപ്നസഞ്ചാരിയ്ക്ക്
ഋതുക്കളുടെ വേഷപ്പകർച്ചയിൽ
കണ്ണീരിൽ കുതിർന്ന
പാഥേയമായി ഒരമ്മമനം….

ഋതുഭേദങ്ങളുടെ നിറച്ചാർത്തുകളിൽ
പുസ്തകത്താളിലെ പൊന്നുതിർക്കുന്ന
സ്നേഹവർണ്ണമായി
ഒരു മയിൽപ്പീലിത്തുണ്ട്….

അക്ഷരങ്ങളുടെ മരതകശോഭയിൽ
നിത്യതയിലലിയാൻ
ഇനിയുമിനിയും ഋതുക്കൾ
നിലാവു പോലെ….

Leave a Reply

Your email address will not be published. Required fields are marked *

Share this post

Related

വീട്

വീട് നിർമിക്കുമ്പോൾ നാം നമ്മെ നിർമ്മിക്കുകയാണ്. നിർമ്മാണം എന്നത്നാം കുക്കിംഗ് എന്ന് പറയുന്ന പോലെ എല്ലാ ചേരുവകളും പാകത്തിന് ഉൾപ്പെടുത്തി കൊണ്ട് രുചികരമാക്കുന്ന പ്രക്രിയയാണ്. ഒരാവിഷ്ക്കാരം,…

സമരം ചെയ്യേണ്ടതുണ്ട്

കഴിഞ്ഞ ദിവസം തൃശൂർ വിയ്യൂരിലെ അതീവ സുരക്ഷാ ജയിലിലെ അന്തേവാസികൾക്കൊപ്പം വർത്തമാനം പറഞ്ഞിരുന്നത് ജീവിതത്തിൽ എന്നെന്നും സ്മരിക്കുന്ന അനുഭവമായി തുടരാതിരിക്കില്ല. അതത്രയും ഹൃദയസ്പർശിയായിരുന്നു. ആദ്യമായാണ് ഒരു…

ലോകം എല്ലാരുടേതുമാണെന്ന് ബഷീർ പറഞ്ഞതിന് ശേഷം, പിന്നീട് കണ്ണിലുടക്കുന്നത് ഏഴാംഭ്രാന്തനാണ്.

വല്ലാത്തൊരു വായനാനുഭവം ഇവിടെ കുറിക്കട്ടെ. അവസാനിച്ചു, വീണ്ടും വരികൾ തേടണമെന്ന് മന്ത്രിച്ചു കൊണ്ടുതന്നെ,ഇനിയും ചെല്ലണം, ആഴത്തിലിറങ്ങി ചെല്ലണമെന്ന് മനസ്സ് ആവർത്തിച്ചു. അശ്രദ്ധയിലെങ്ങാനും ഒരു വരി വിട്ടുപോയിട്ടുണ്ടെങ്കിലോ,…