സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

എൻ്റെ പ്രണയമേ

അനൂസ്

എന്റെ പ്രണയമേ,
നീ വരൂ…….
നമുക്ക് ഒരു ചെറുവഞ്ചിയിൽ
തുഴഞ്ഞ് തുഴഞ്ഞ്
ആളില്ലാ ദ്വീപിലേക്ക് പോകാം……
അവിടെ വെളുത്ത ലില്ലിപ്പൂക്കളും…..
തെളിഞ്ഞ നീലാകാശവും……
പഞ്ചാര മണൽത്തരികളുമുള്ള
ഒരു സ്വപ്നഭൂമി ഉണ്ട്……

ആ സ്വപ്ന ഭൂമിയിൽ
പരസ്പരം മറവി പൂണ്ട
രണ്ടാത്മാക്കളായ് നമ്മുക്ക് മാറാം……

പുലർമഞ്ഞിലും…
മഴയിലും..
മധ്യാഹ്നം വീശുന്ന
നിഴൽ ചിതറും ആ കാറ്റിലും…..

ഇരുൾ വീഴുന്ന
അസ്തമയത്തിന്റെ ആകാംക്ഷയിലും
എന്തു പറയേണമെന്നറിയാതെ
നമ്മുക്ക് പരിഭ്രമിച്ചു നടക്കണം…..

എന്നിട്ട് അവിടെയുള്ള
കായ്കനികളും…..
പൂക്കളും….
പരസ്പരം കൈമാറണം….

ഉള്ളിൽ തുടിക്കുന്ന പ്രണയം നമ്മുടെ
വിരൽത്തുമ്പുകൾ തമ്മിൽ തൊടാതെ തൊടണം……

ആർത്തുവരുന്ന…..
തിരകൾക്കു നടുവിൽ
നനയുന്ന നമ്മെ നാം
പരസ്പരം നോക്കാതെ നോക്കണം…..

പണ്ടെന്നോ നാവിൻതുമ്പിൽ വന്ന
മധുര മനോവിചാരങ്ങളെ
വേഷം മാറ്റി മറുവാക്കുകളാക്കി…
മൊഴിഞ്ഞതോർത്ത്
നമുക്ക് ഗൂഢമായ് പുഞ്ചിരിക്കണം…..

എന്നിട്ട്…
പണ്ട് നമ്മൾ ചുംബിക്കാൻ കൊതിച്ച നമ്മുടെ ചുണ്ടുകൾ
മാതള മണികളാൽ ചുവപ്പിച്ചെടുക്കണം……

പണ്ട് തലോടാൻ കൊതിച്ച ഈ മുടിയിഴകൾ
ഞാവൽപ്പഴങ്ങളാൽ കറുപ്പിക്കണം നമ്മുക്ക്…..

ഒരിക്കൽ പറയാൻ കൊതിച്ചതൊക്കെയും
ഇടവേളകളിൽ പറഞ്ഞു തീർക്കണം…..

ശരീരം ഒരു ഭാരമാവാതെ
അരികത്തരികത്ത് ചേർന്നുകിടക്കണം …

അങ്ങനെ കിടക്കുമ്പോൾ
സ്നേഹം വെറും നുണയാണെന്ന്
നിന്റെ നെഞ്ചിടിപ്പ് പറയുമ്പോൾ….

അത് കേട്ട് ഞാൻ തർക്കിക്കുമ്പോൾ……
നീ പറയും
കെട്ടുകൾ തീർക്കുന്നതുതന്നെ
അഴിക്കാൻ വേണ്ടിയെന്ന്…

അങ്ങനെ നമ്മൾ പരസ്പരം ന്യായീകരിക്കുമ്പോൾ……

ഇനിയൊരാലിംഗനത്തിന്
നമ്മുടെ ജൻമം ബാക്കിയില്ലെന്ന്
ഓർമ്മിപ്പിക്കുമ്പോൾ……

ഹൃദയം പിടയുന്ന വേദനയോടെ ഞാൻ വീണ്ടും നിന്നിലേക്ക്‌ കൂടുതൽ അടുക്കാൻ ശ്രെമിച്ചു പരാജയപ്പെടുമ്പോൾ…..

വീണ്ടും
നരച്ചു പിഞ്ഞി തുടങ്ങിയ നമ്മുടെ ജീവിതത്തെ
ഇടയ്ക്കിടെ നമ്മൾ തിരിഞ്ഞു നോക്കി
നെടുവീർപ്പിട്ട് കൊണ്ട്…..

എന്തിനെനില്ലാതെ നമ്മുടെ ലോകത്തെക്കണയുവാൻ കൊതിച്ചും…

ഇന്നും നിന്നരികിൽ
ഞാൻ വെറുമൊരു
പൈങ്കിളിക്കഥാപാത്രം പോലെ….

എങ്കിലും നീയറിയുക…

നിന്നെ പ്രണയിക്കുന്നത് എന്റെ ജീവനിൽ കൂടിയാണ് എന്ന്…

ഒരു പക്ഷേ
ഞാനത്രമേൽ നിന്നെ സ്നേഹിക്കുന്നുണ്ടായിരുന്നു …..

അത്രമേൽ ഇഷ്ടത്തോടെ ….

5 Responses

Leave a Reply

Your email address will not be published.

Share this post

സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം.
കാണുന്നതും കേള്‍ക്കുന്നതും സത്യമാണ്‌.
എന്നാല്‍ കാണാന്‍ പാടില്ലാത്തതും കേള്‍ക്കാന്‍ പാടില്ലാത്തതും ഇഷ്ടംപോലെ.
സത്യമെങ്ങനെ പറയാം, എങ്ങനെ അനുഭവിക്കാം എന്നാലോചിക്കുന്ന പത്ര ഭാഷ്യത്തിലേക്ക്‌…
പോസിറ്റീവ്‌ ജേര്‍ണലിസത്തിന്റെ പുനരാവിഷ്‌ക്കാരം.
ആശയങ്ങള്‍ക്കും സംവാദങ്ങള്‍ക്കും ഇടം തേടി ഒരു ഡിജിറ്റല്‍ മാഗസിന്‍.

Categories
സ്ത്രീ/പുരുഷൻ
(6)
സിനിമ
(16)
സാഹിത്യം
(22)
സംസ്കാരം
(2)
സമകാലികം
(2)
സംഗീതം
(9)
വിശകലനം
(4)
വിദ്യാഭ്യാസം
(10)
വാലന്റൈയിന്‍ ഡേ
(3)
വായന
(4)
ലേഖനം
(30)
റിപ്പോർട്ട്
(1)
യുദ്ധം
(4)
യാത്ര
(9)
പ്രസംഗം
(1)
പ്രവാസം
(4)
പുസ്തകാസ്വാദനം
(1)
പുസ്തകപരിചയം
(16)
പരിസ്‌ഥിതി
(3)
നിരൂപണം
(10)
ചെറുകഥ
(24)
ചിത്രകല
(4)
കവിത
(129)
കഥ
(24)
കത്ത്
(2)
ഓർമ്മ/സ്വർണഞരമ്പ്
(16)
ആരോഗ്യം
(1)
ആത്മീയം
(5)
അഭിമുഖം
(6)
അനുഭവം
(11)
Featured
(3)
Feature
(2)
Editorial
(26)
Editions

Related

ആത്മാവിലേക്ക് ആഴ്ന്നിറങ്ങിയ അമേയ

സൂഫിസത്തിന്റെ സ്വാധീനമുള്ള ഒരു കവിതാ പുസ്തകമാണ് ഇന്ന് വായിച്ചത്.നിഖിലാ സമീറിന്റെ ‘അമേയ’.ഹരിതം ബുക്സാണ് പുസ്തകം പുറത്തിറക്കിയിരിക്കുന്നത്.മകൾ ഫാത്തിമ സെഹ്റ സമീറിന്റെ മനോഹരങ്ങളായ വരകളും ഈ പുസ്തകത്തെ…

ടർക്കിഷ് ബാത്ത്

വെറും ഒരു കുളി എന്നതിലുപരി ടർക്കിഷ് ബാത്ത്, ഓരോരുത്തർക്കും ഒരു സുൽത്താനയായി പരിചരിക്കപ്പെടാനുള്ള അവസരം കൂടിയാണ്. പുരാതനകാലത്ത് വീടുകളിൽ കുളിപ്പുരകൾ സാധാരണമായിരുന്നില്ല. അങ്ങനെയാണ് പൊതുസ്നാനഘട്ടങ്ങളുടെ സംസ്കാരം…

ഋതുഭേദങ്ങൾ

ഋതുക്കൾ മഴ നനഞ്ഞും പൂവണിഞ്ഞും മഞ്ഞുതിർന്നും ഇലപൊഴിച്ചും അതിവേഗചലനങ്ങളിൽ ശലഭദളങ്ങൾ വിടർത്തിയങ്ങനെ… നീണ്ട പക്ഷങ്ങളിലാഹുതി ചെയ്ത മേഘവിസ്മയങ്ങളുടെ രൗദ്രതാളങ്ങളിൽ നനഞ്ഞമർന്ന് ഒരു കിളിക്കൂട്…. സ്വരവിന്യാസങ്ങളുടെ ചിന്മുദ്രകളിൽ…