സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

നിനക്കായ്….

നിർമ്മലാദേവി



കരുതിവയ്ക്കുന്നിതെല്ലാം നിനക്കായ്
തരുവതില്ലേയൊരു ദിനം കാലം….
ഹൃദയതാളിൽ കുറിക്കുന്നു നിത്യം
പറയുവാനുള്ള കദനങ്ങളെല്ലാം…

അറിയുകില്ലിനി കാണുമോ നമ്മൾ
പുലരിയിൽകിനാപ്പൂക്കളാൽ വീണ്ടും
കരളിനുള്ളിലെ കനലാഴിയെല്ലാം
ഒരുദിനം നിന്നിലേക്കു പകർന്ന്
മനമിതൊരുവേള നിശ്ശൂന്യമാക്കാൻ
ഹൃദയഭാരമിറക്കി വച്ചൊന്നായ്
അലിയുവാൻ മനം കുതികുതിക്കുന്നു…

അറിവതുണ്ടു ഞാൻ നിൻ സ്പന്ദനങ്ങൾ
ചിലതെനിക്കായ് വിതുമ്പുന്ന രാഗം
എഴുതുവാനും പറയാനുമാവാ-
തെഴുതിവച്ചില്ലേ വാക്കുകൾ തമ്മിൽ
പുണരുവാനൊന്നു ചുംബിച്ചുണർത്തി
കരയുവാനിനിയെത്രനാൾ വേണം…

അകലെയെങ്കിലും, അറിയുന്നു നമ്മൾ
ഹൃദയതാളത്തുടിപ്പുകൾ നിത്യം…!
ഹൃദയതാളം നിലച്ചിടും മുൻപൊ-
ന്നലിയണംതമ്മിലേകരായ് മാറാൻ…

പൊരുളറിയാത്ത ജീവിതമിഥ്യാ –
നദിയിലൊരുദിനം ഒന്നിച്ചു മുങ്ങാൻ
കഴിയുമെന്നുള്ളൊരൊറ്റ സ്വപ്നത്തിൻ
നിറവിലാണെൻ്റെ ജീവിതനൗക…
അതുമതിയെനിക്കീജൻമമാകെ
സുകൃതജീവിതസാഗരമാകാൻ!

Leave a Reply

Your email address will not be published. Required fields are marked *

Share this post

Related

ഓരോരോ സ്ത്രീകൾ
ഓരോരോ ഋതുക്കൾ

ആദ്യ പുസ്തകമായ “ഇന്ത്യൻ റെയിൻബോ” യിലൂടെ അത്രയും പ്രിയപ്പെട്ട എഴുത്തുകാരിയായി മാറിയ ലെഫ്റ്റനന്റ് കേണൽ ഡോ സോണിയ ചെറിയാന്റെ രണ്ടാമത്തെ പുസ്തകം ഇറങ്ങുന്നു എന്നറിഞ്ഞപ്പോൾ തന്നെ…

പ്രസംഗം

പ്രസംഗികൻ സ്റ്റേജിൽ ഇന്നത്തെ ജാതി, മത, വേർതിരിവിനെപ്പറ്റിയും, ദുഷിച്ച ചിന്തെയെപ്പറ്റിയും അദ്ദേഹം വാതോരാതെ സംസാരിച്ചു. ജാതി ചിന്ത ഇന്നത്തെ സമൂഹത്തിൽ നിന്നും തുടച്ചുനീക്കേണ്ട കാര്യത്തെപ്പറ്റി അദ്ദേഹംഘോര…

പ്രണയലേഖനം

പിശുക്കരിലും പിശുക്കനായ കാമുകാ ..കുറച്ചധികം വിസ്തരിച്ചൊരു മെസ്സേജ് അയച്ചാൽഇന്ത്യയിലോ വിദേശത്തോ നിനക്ക് കരം കൊടുക്കേണ്ടി വരുമോ … ഒരു മുതല്മുടക്കുമില്ലാത്ത സ്മൈലിഅതിപ്പോഉമ്മയായാലുംചോന്ന ഹൃദയമായാലുംഒന്നോ രണ്ടോ .അല്ലാതെഅതില്കൂടുതൽ…