സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

ഒറ്റപ്പെയ്ത്ത്

ആഷ്‌ന ഷാജു കുറുങ്ങാട്ടിൽ

ഒരൊറ്റ മഴപെയ്ത്തിൽ
കുതിർന്ന ഓർമ്മകളാണ്
കവിതകളൊക്കെ.

അനുവാദമില്ലാതെ,
കാത്തുനിൽക്കാതെ,
കുമിളതട്ടാതെ വീർക്കുകയും
ഒടുവിൽ ഒലിച്ചുപോക്കുകളിൽ ഇല്ലാതാകുകയും ചെയ്യുന്നവ

കനത്ത മഴയാണ് കവിതകൾ.
എല്ലാ വസന്തങ്ങളെയും
ഒറ്റപ്പെയ്ത്തിൽ കോറിയിടുന്നവ.

അവ തറച്ചു പെയ്യുമ്പോൾ
വാക്കുകൾ ശിഥിലമാകുകയും
ഹൃദയം ശൂന്യമാകുകയും ചെയ്യും.

അവളിൽ/അവനിൽ
അവയുടെ ഈണമുണ്ടാകും.

വിരലുകളിൽ
മരണത്തിന്റെ കറുപ്പ് പകരുമ്പോഴും അവയെ നിരത്തിയിടും!

ചെറുചിരിയുടെ
ഉമിനീരുകൾ തൊണ്ടകുഴിയിൽ കെട്ടിനിൽക്കും,അപ്പോഴും
അവ നോക്കിനിൽക്കും.

ഇനിയും പെയ്തു
തീരാത്ത മഴകളുടെ
മേഘങ്ങളെത്തേടി
ഒരൊറ്റ കാത്തിരുപ്പ്

One Response

Leave a Reply

Your email address will not be published. Required fields are marked *

Share this post

Related

മഴ

ഇട മുറിയാതെ പെയ്യുന്ന മഴ ഇട മുറിയാതെ പെയ്യുന്ന മഴതണുപ്പ്, ചെറിയ കുളിര്ഇതെന്ത് മഴക്കലമാണ് ,ഒട്ടും തന്നെ മഴ യില്ല മഴയെ പഴിച്ചിട്ട് ആണോ അതോവെയിലിനു…

അതിര് വിട്ട് അതിര് കാത്ത ചിത്രങ്ങൾ

സാമൂഹികയാഥാർത്ഥ്യങ്ങളെ മുഖവിലയ്ക്കെടുത്തു കൊണ്ട് തന്നെയാണ് സിനിമയുടെ ശരീരനിർമ്മിതികൾ നടന്നിട്ടുള്ളത്. അതായത് സമൂഹത്തിൻ്റെ സാംസ്കാരിക രാഷ്ട്രീയ പ്രതിഫലനമാണ് സിനിമ എന്നർത്ഥം.പ്രാദേശികമായ ചരിത്രത്തെ ചുറ്റിപ്പറ്റിക്കൊണ്ട് പരീക്ഷണാടിസ്ഥാനത്തിൽ വൈവിധ്യങ്ങളിൽ നിന്ന്…

ഇന്ദുഗോപന്റെ അതീന്ദ്രിയാനുഭവങ്ങൾ

ശ്രീമതി സ്മിത .സി യുടെ ‘ഐന്ദ്രികം’ എന്ന നോവൽ ഒരു കൗതുകത്തോടെയാണ് വായിച്ചു തുടങ്ങിയതെങ്കിലും അത് ഒരു പഠനത്തിലാണ് അവസാനിച്ചത്. വളരെ ആഴത്തിൽ അതും തന്മയത്വമായി…