സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

അമ്മ

ഷീന വർഗീസ്

അവളുടെ കണ്ണുകൾ നരച്ച ആകാശം
പോലെയായിരുന്നു.
തീഷ്ണയൗവ്വനത്തിൻ്റെ
ചടുലതകളില്ലാതിരുന്നിട്ടും
അവളുടെ നടപ്പുകൾക്ക്
ഓട്ടത്തിൻ്റെ വേഗതയുണ്ട്.
സ്‌റ്റോപ്പ് സിഗ്നലിൽ നിർത്തിയിട്ടിരിക്കുന്ന വണ്ടികൾക്കുള്ളിലേക്ക് ദീനമായ
നോട്ടമെറിഞ്ഞ്, മക്കളുടെ വിശപ്പിനെ
ക്കുറിച്ചവൾ പറയുന്നു.
വക്കടർന്ന പൂപ്പാത്രത്തിലേക്ക്
എറിഞ്ഞു കിട്ടുന്ന നാണയത്തുട്ടുകൾക്ക്
അവരുടെ ചോറിൻ്റെ നിറമാണ്.
തൻ്റെ ഉടലഴകിൻ്റെ വടിവുകളിൽ
ഇഴയുന്ന തേരട്ടകളെ
അസംതൃപ്തിയുടെ ചവറ്റുകൂനയി
ലേക്കവൾ അറപ്പോടെ
വലിച്ചെറിഞ്ഞു.
മാംസത്തിന് വിലപറയുന്ന
അറവുമാടിൻ്റെ നിസ്സംഗത
അവളുടെ കണ്ണുകളിൽ കാണാമായിരുന്നു.

പൊളളിയിറങ്ങുന്ന വേനൽച്ചൂടിൻ്റെ
വിയർപ്പു ഗന്ധം തണൽക്കൊതി
ച്ചവളെ പൊറുതിമുട്ടിച്ചു.
സ്വപ്നങ്ങളുടെ കടുംനീല നിറങ്ങൾ
ഒലിച്ചുപോയ പെണ്ണവൾ ,
പശിയാറ്റാൻ എൻ്റെ മുന്നിൽ
കൈനീട്ടുമ്പോൾ അവളുടെ
പൊക്കിൾക്കൊടി ആർത്തു
കരയുന്നുണ്ടായിരുന്നു…

2 Responses

  1. സ്ത്രീ ജീവിതത്തിന്റെ പരിച്ഛേദങ്ങൾ നമ്മുടെ കാഴ്ചകളിൽ പലപ്പോഴും ദുഃഖമുണ്ടാക്കുന്നു . ലളിതമായ പദപ്രയോഗങ്ങളിൽ കോർത്തിണക്കിയ ജീവിത യാഥാർഥ്യങ്ങൾ . ഇങ്ങനെയും സ്ത്രീകൾ നമുക്കുചുറ്റും . അഭിനന്ദനങ്ങൾ

Leave a Reply

Your email address will not be published. Required fields are marked *

Share this post

Related

അതിര് വിട്ട് അതിര് കാത്ത ചിത്രങ്ങൾ

സാമൂഹികയാഥാർത്ഥ്യങ്ങളെ മുഖവിലയ്ക്കെടുത്തു കൊണ്ട് തന്നെയാണ് സിനിമയുടെ ശരീരനിർമ്മിതികൾ നടന്നിട്ടുള്ളത്. അതായത് സമൂഹത്തിൻ്റെ സാംസ്കാരിക രാഷ്ട്രീയ പ്രതിഫലനമാണ് സിനിമ എന്നർത്ഥം.പ്രാദേശികമായ ചരിത്രത്തെ ചുറ്റിപ്പറ്റിക്കൊണ്ട് പരീക്ഷണാടിസ്ഥാനത്തിൽ വൈവിധ്യങ്ങളിൽ നിന്ന്…

ഇന്ദുഗോപന്റെ അതീന്ദ്രിയാനുഭവങ്ങൾ

ശ്രീമതി സ്മിത .സി യുടെ ‘ഐന്ദ്രികം’ എന്ന നോവൽ ഒരു കൗതുകത്തോടെയാണ് വായിച്ചു തുടങ്ങിയതെങ്കിലും അത് ഒരു പഠനത്തിലാണ് അവസാനിച്ചത്. വളരെ ആഴത്തിൽ അതും തന്മയത്വമായി…

ഓരോരോ സ്ത്രീകൾ
ഓരോരോ ഋതുക്കൾ

ആദ്യ പുസ്തകമായ “ഇന്ത്യൻ റെയിൻബോ” യിലൂടെ അത്രയും പ്രിയപ്പെട്ട എഴുത്തുകാരിയായി മാറിയ ലെഫ്റ്റനന്റ് കേണൽ ഡോ സോണിയ ചെറിയാന്റെ രണ്ടാമത്തെ പുസ്തകം ഇറങ്ങുന്നു എന്നറിഞ്ഞപ്പോൾ തന്നെ…