അവസാന ശ്വാസത്തിനു മുന്നേ
നിന്നെ ഞാൻ ഓർത്തോളാം
എന്ന വാഗ്ദാനത്തെ കവച്ചു വെക്കാൻ
ലോകത്തിൽ ഏതു വർണ്ണത്തിനാണ് കഴിയുക,
പീലി കുറഞ്ഞ, പാതി മാത്രം തുറന്ന,
നനഞ്ഞ കണ്ണുകളിലേക്ക് നോക്കി
നീയാണ് ലോകത്തിൽ ഞാൻ കണ്ടത്തിലേറ്റം സുന്ദരി എന്ന് കേൾക്കുന്ന തിനെക്കൾ
മറ്റെന്താണ് മറവിക്കൂടുതലുള്ള പെൺകുട്ടി ആഗ്രഹിക്കുന്നത്,
നീലക്കുറിഞ്ഞി പൂത്തപോലെ അടയാളപ്പെടുത്തിയ
കവിതയാവുന്നുണ്ട്
ചില മനുഷ്യർ
ഇറങ്ങി പോകാത്തവർ
ഇറക്കിവിടാൻ വയ്യാത്തവർ
ജിപ്സി പല്ലുകൾക്കിടയിൽ ഉറങ്ങുന്ന
എന്റെ പൂച്ചകുട്ടിയെ നോക്കി നിന്റെ വീട് എന്റെയുമാണെന്ന് പറയുന്നവർ,
ഈ ജന്മത്തെ കരിയില സ്നേഹം എന്ന് പേരിട്ടു വിളിക്കണം,
–
One Response
Superb👏👏