സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

കണക്കുകുറയ്ക്കൽ

ശാന്തി പാട്ടത്തിൽ

ഒരു വാഹനത്തെ
മറികടക്കുമ്പോൾ
തലയടിച്ചു വീണ്
ചോര വാർന്ന്
റോഡിൽ കിടക്കുമ്പോൾ
ഊഹം ഒരു മീറ്റർ
തെറ്റിപ്പോയെന്ന്
മനസ്സിലാകുന്നു.

കാര്യസാധ്യത്തിനായി
നട്ടെല്ലു വളച്ച് – പിന്നീട്
നിവരാൻ പറ്റാതായപ്പോഴാണ്
തൊണ്ണൂറ് ഡിഗ്രിയെന്ന
കണക്ക് മാറിപ്പോയത്.

കറൻസി എണ്ണുമ്പോൾ
ചുറ്റുമുള്ളതൊന്നും
കാണാനാകാത്ത
അവസരത്തിലാണ്
കുഞ്ഞി കൈകളിൽ
അബാക്കസിന്റെ കണക്ക്
തെറ്റിപ്പോയതറിയുന്നത്

പിണങ്ങിപ്പോക്കുകൾ
പലപ്പോഴും
അനുരാഗച്ചിലവിന്റെ
കണക്കുകൂട്ടൽ
തെറ്റിക്കാറുണ്ട്.

കൂട്ടിക്കൂട്ടി വരുമ്പോൾ
കണക്ക് കുറയുന്ന പ്രതിഭാസം
ആയുസ്സിലും കാണുമ്പോൾ
ഇതിനെയിനി
കണക്കു കുറക്കൽ
എന്ന് വിളിച്ചു കൂടെ?

Leave a Reply

Your email address will not be published. Required fields are marked *

Share this post

Related

വീട്

വീട് നിർമിക്കുമ്പോൾ നാം നമ്മെ നിർമ്മിക്കുകയാണ്. നിർമ്മാണം എന്നത്നാം കുക്കിംഗ് എന്ന് പറയുന്ന പോലെ എല്ലാ ചേരുവകളും പാകത്തിന് ഉൾപ്പെടുത്തി കൊണ്ട് രുചികരമാക്കുന്ന പ്രക്രിയയാണ്. ഒരാവിഷ്ക്കാരം,…

സമരം ചെയ്യേണ്ടതുണ്ട്

കഴിഞ്ഞ ദിവസം തൃശൂർ വിയ്യൂരിലെ അതീവ സുരക്ഷാ ജയിലിലെ അന്തേവാസികൾക്കൊപ്പം വർത്തമാനം പറഞ്ഞിരുന്നത് ജീവിതത്തിൽ എന്നെന്നും സ്മരിക്കുന്ന അനുഭവമായി തുടരാതിരിക്കില്ല. അതത്രയും ഹൃദയസ്പർശിയായിരുന്നു. ആദ്യമായാണ് ഒരു…

ലോകം എല്ലാരുടേതുമാണെന്ന് ബഷീർ പറഞ്ഞതിന് ശേഷം, പിന്നീട് കണ്ണിലുടക്കുന്നത് ഏഴാംഭ്രാന്തനാണ്.

വല്ലാത്തൊരു വായനാനുഭവം ഇവിടെ കുറിക്കട്ടെ. അവസാനിച്ചു, വീണ്ടും വരികൾ തേടണമെന്ന് മന്ത്രിച്ചു കൊണ്ടുതന്നെ,ഇനിയും ചെല്ലണം, ആഴത്തിലിറങ്ങി ചെല്ലണമെന്ന് മനസ്സ് ആവർത്തിച്ചു. അശ്രദ്ധയിലെങ്ങാനും ഒരു വരി വിട്ടുപോയിട്ടുണ്ടെങ്കിലോ,…