സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

സ്വർഗ്ഗത്തിൽ ക്രമക്കേട്

നിക്കാനോർ പാറാ

പരിഭാഷ – കടമ്മനിട്ട രാമകൃഷ്ണൻ

എങ്ങിനെയെന്നറിഞ്ഞില്ല,
ഒരു പുരോഹിതൻ സ്വർഗ്ഗകവാടത്തിലെത്തി പിത്തളത്താഴിൽ കൈവച്ചു
സെൻറ് പീററർ അതു തുറക്കാനെത്തി
“ നീ എന്നെ അകത്തു വിടുന്നില്ലെങ്കിൽ ഞാൻ ഈ സൂര്യകാന്തികൾ അറുത്തുകളയും “
ഇടിനാദത്തിൽ വിശുദ്ധൻ മറുപടിപറഞ്ഞു:
” എന്റെ കൺവെട്ടത്തുനിന്നും പൊയ്ക്കാ ദുശ്ശകുനത്തിന്റെ കുതിരെ മെഴുകുതിരികൾകൊണ്ടും പണം കൊണ്ടും നിനക്ക് യേശുക്രിസ്തുവിനെ വാങ്ങാനാകാ
നാവികന്മാരുടെ ഭാഷയാൽ ആരും അവന്റെ കാല്ക്കലെത്തുന്നില്ല. ദൈവത്തിന്റെയും അവന്റെ അനുചരന്മാരുടേയും നൃത്തത്തിനു മോടി വരുത്താൻ നിന്റെ അസ്ഥിക്കൂടിന്റെ തിളക്കം ഞങ്ങൾക്കാവശ്യമില്ല സിമിത്തേരിക്കുരിശുകളും വ്യാജമുദ്രകളും വിറ്റ്
ദീനന്മാരുടെ ഭയത്തിന്മേൽ
നീ മനുഷ്യരുടെ ഇടയിൽ ജീവിച്ചു. മറ്റുള്ളവർ ദയനീയമായ ഉണക്കറൊട്ടികൾ കാർന്നുകൊണ്ടിരുന്നപ്പോൾ
പുതിയ മുട്ടകൾകൊണ്ടും മാംസംകൊണ്ടും
നീ നിന്റെ കുടലു നിറച്ചു. വിഷയാസക്തിയുടെ ചിലന്തി നിന്റെ ഉടലിൽ പെറ്റുപെരുകി
രക്തമിറ്റുന്ന കുട!
നരകത്തിലെ നരിച്ചീറെ!
ഒടുവിൽ വാതിൽ വലിഞ്ഞടഞ്ഞു പ്രകാശത്തിന്റെ ഒരു രശ്മി സ്വർഗ്ഗത്തിലൂടെ പൊട്ടിച്ചിതറി ഇടനാഴികൾ വിറച്ചു
പുരോഹിതന്റെ അവമാനിതമായ ആത്മാവ്
നരകദ്വാരത്തിലേക്ക് ഉരുണ്ടിറങ്ങി.

Leave a Reply

Your email address will not be published. Required fields are marked *

Share this post

Related

വീട്

വീട് നിർമിക്കുമ്പോൾ നാം നമ്മെ നിർമ്മിക്കുകയാണ്. നിർമ്മാണം എന്നത്നാം കുക്കിംഗ് എന്ന് പറയുന്ന പോലെ എല്ലാ ചേരുവകളും പാകത്തിന് ഉൾപ്പെടുത്തി കൊണ്ട് രുചികരമാക്കുന്ന പ്രക്രിയയാണ്. ഒരാവിഷ്ക്കാരം,…

സമരം ചെയ്യേണ്ടതുണ്ട്

കഴിഞ്ഞ ദിവസം തൃശൂർ വിയ്യൂരിലെ അതീവ സുരക്ഷാ ജയിലിലെ അന്തേവാസികൾക്കൊപ്പം വർത്തമാനം പറഞ്ഞിരുന്നത് ജീവിതത്തിൽ എന്നെന്നും സ്മരിക്കുന്ന അനുഭവമായി തുടരാതിരിക്കില്ല. അതത്രയും ഹൃദയസ്പർശിയായിരുന്നു. ആദ്യമായാണ് ഒരു…

ലോകം എല്ലാരുടേതുമാണെന്ന് ബഷീർ പറഞ്ഞതിന് ശേഷം, പിന്നീട് കണ്ണിലുടക്കുന്നത് ഏഴാംഭ്രാന്തനാണ്.

വല്ലാത്തൊരു വായനാനുഭവം ഇവിടെ കുറിക്കട്ടെ. അവസാനിച്ചു, വീണ്ടും വരികൾ തേടണമെന്ന് മന്ത്രിച്ചു കൊണ്ടുതന്നെ,ഇനിയും ചെല്ലണം, ആഴത്തിലിറങ്ങി ചെല്ലണമെന്ന് മനസ്സ് ആവർത്തിച്ചു. അശ്രദ്ധയിലെങ്ങാനും ഒരു വരി വിട്ടുപോയിട്ടുണ്ടെങ്കിലോ,…