പ്രസംഗികൻ സ്റ്റേജിൽ ഇന്നത്തെ ജാതി, മത, വേർതിരിവിനെപ്പറ്റിയും, ദുഷിച്ച ചിന്തെയെപ്പറ്റിയും അദ്ദേഹം വാതോരാതെ സംസാരിച്ചു. ജാതി ചിന്ത ഇന്നത്തെ സമൂഹത്തിൽ നിന്നും തുടച്ചുനീക്കേണ്ട കാര്യത്തെപ്പറ്റി അദ്ദേഹംഘോര ഘോര മായി പ്രസംഗിച്ചു. ശ്രീനാരായണ ഗുരു വാക്യം ഉരുവിട്ടൂ. കാണികൾ കൈയടിച്ചു. കാണികളിൽ ഒരാൾ എഴുനേറ്റുനിന്നു “സാറിന്റെ അഞ്ചാം ക്ലാസിൽ പഠിക്കുന്ന കുട്ടിയുടെ പേരൊന്നു പറയാമോ. നിറഞ്ഞ നിശബ്ദത ഒടുവിൽ ചോദ്യം ചോദിച്ചയാൾ തന്നെ തുടർന്ന്, രേണുക നായർ. പിന്നെ പ്രസംഗികന്റെ ശബ്ദം നിലച്ചു. അയാൾ ഒന്നും മിണ്ടാതെ സ്റ്റേജിൽ നിന്നും ഇറങ്ങി.
- March 18, 2024
- മിനികഥ
വിജയൻ ചെറുവറ്റ