ഡീഗോ,
ഒരു കാൽപന്തിനെ ഓർമ്മിപ്പിക്കുന്നു നീ.
ഈ ഭൂഗോളത്തെയാണ് നിന്റെ മെയ്യിലിട്ട്
ഒരു കാൽപന്തു പോലെ നീയമ്മാനമാടിയത്.
ലഹരിയായികുന്നു നിന്റെ പതാക.
കളിക്കളത്തിൽ പന്ത് പോലുരുണ്ടും
വെളിക്കളത്തിലത് കൊക്കെയിൻ പോലെ വിടർന്നും
നീ സിരയിലേറ്റി
നിന്റെ കളിയുടെ ലഹരി കുത്തിവെക്കപ്പെട്ട
ഒരു ജനത
അതിരുകൾ മാഞ്ഞ്
ഉന്മാദാന്ധരായി
കളിപന്തുകാരുടെ മതത്തിലെ ദൈവമായിരുന്നു നീ
തക്കം നോക്കി ഒരു ഫൗൾപ്ലേയിൽ
ദൈവം പകരം വീട്ടി.
അങ്ങിനെയാണ് അതുണ്ടായത്
ദൈവത്തിന്റെ ഗോൾ.