സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

മീര്‍സാ ഗാലീബിന്റെ കവിതകള്‍

പരിഭാഷ: കെ.പി.എ. സമ്മദ്

1

മനുഷ്യസമൂഹം മുഴുവന്‍
എന്റെ ബന്ധുക്കളാണ്.
ആദമിന്റെ എല്ലാ സന്തതികളും-
അവര്‍ ഹിന്ദുവാകട്ടെ, മുസ്ലീമാവട്ടെ,
ക്രിസ്ത്യാനിയാവട്ടെ ഏതുമതക്കാരനുമാവട്ടെ-
എന്റെ സഹോദരങ്ങളാണ്.
മറ്റുള്ളവര്‍ എന്തു കരുതുന്നുവെന്നത്
ഞാന്‍ കാര്യമാക്കുന്നില്ല.

2

എന്റെ മതം മനുഷ്യന്റെ ഏകത്വമാണ്.
എന്റെ പ്രമാണം ആചാരങ്ങളുടെ നിരാസമാണ്.
മതങ്ങള്‍ ഇല്ലാതായാല്‍
വിശ്വാസം വിശുദ്ധമായി.

3

കുരുതിക്കളം കാണുന്നത്
എളുപ്പമാണെന്ന് നാം കരുതുന്നു.
ചോരപ്പുഴയില്‍ നീന്തുന്ന ബലിമൃഗത്തെ
നാം കണ്ടിട്ടില്ലല്ലോ!

4

എന്റെ വയലിന് മുകളില്‍ കാര്‍മേഘം
ആയിരം തവണ കനത്തുനിന്നാലും
ആഹ്ലാദിക്കുന്നതെങ്ങനെ ?
അവയ്ക്കിടയില്‍ മറഞ്ഞിരുന്ന്,
മിന്നല്‍പ്പണര്‍
എന്റെ വിളവുകള്‍ നോട്ടമിടുകയാണെന്ന്
എനിക്കറിയാം

5

ഒരു തുള്ളിയില്‍ സാഗരം സമഗ്രമായി
കാണാന്‍ കഴിയുന്നില്ലെങ്കില്‍
ആ കണ്ണുകള്‍ കുട്ടികളുടെ കളിപ്പാട്ടമാണ്
കാണാനുള്ള അവയവമല്ല.

Leave a Reply

Your email address will not be published. Required fields are marked *

Share this post

Related

മഴ

ഇട മുറിയാതെ പെയ്യുന്ന മഴ ഇട മുറിയാതെ പെയ്യുന്ന മഴതണുപ്പ്, ചെറിയ കുളിര്ഇതെന്ത് മഴക്കലമാണ് ,ഒട്ടും തന്നെ മഴ യില്ല മഴയെ പഴിച്ചിട്ട് ആണോ അതോവെയിലിനു…

അതിര് വിട്ട് അതിര് കാത്ത ചിത്രങ്ങൾ

സാമൂഹികയാഥാർത്ഥ്യങ്ങളെ മുഖവിലയ്ക്കെടുത്തു കൊണ്ട് തന്നെയാണ് സിനിമയുടെ ശരീരനിർമ്മിതികൾ നടന്നിട്ടുള്ളത്. അതായത് സമൂഹത്തിൻ്റെ സാംസ്കാരിക രാഷ്ട്രീയ പ്രതിഫലനമാണ് സിനിമ എന്നർത്ഥം.പ്രാദേശികമായ ചരിത്രത്തെ ചുറ്റിപ്പറ്റിക്കൊണ്ട് പരീക്ഷണാടിസ്ഥാനത്തിൽ വൈവിധ്യങ്ങളിൽ നിന്ന്…

ഇന്ദുഗോപന്റെ അതീന്ദ്രിയാനുഭവങ്ങൾ

ശ്രീമതി സ്മിത .സി യുടെ ‘ഐന്ദ്രികം’ എന്ന നോവൽ ഒരു കൗതുകത്തോടെയാണ് വായിച്ചു തുടങ്ങിയതെങ്കിലും അത് ഒരു പഠനത്തിലാണ് അവസാനിച്ചത്. വളരെ ആഴത്തിൽ അതും തന്മയത്വമായി…