സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

ഭയപ്പെടുത്തുന്ന വർത്തമാനം

ആർ മോഹനൻ

ഓർമ ഒരൂർജ പ്രസരം തന്നെ. അത് ജീവിതം നിറവേറ്റി മൺ മറഞ്ഞവരെക്കുറിച്ചാവുമ്പോൾ വിശേഷിച്ചും. അപ്പോൾ ഭൂതകാലത്തിന്റെ നിശ്ചലതയിൽ നിന്ന് അത് രാഷ്ട്രീയമാനം കൈവരിച്ച് പ്രവർത്തനക്ഷമമാകുന്നു. അപ്പോഴാണ് മറവിക്കെതിരെയുള്ള കലാപമായിരിക്കാൻ ഓർമകൾ വീര്യം കൈവരിക്കുന്നത്.
ഇന്ന് ദുരധികാരം മനുഷ്യ ജീവിതത്തിന്റെ സർവതലങ്ങളെയും ചവിട്ടിമെതിച്ച് അതിന്റെ ഉന്മാദ നൃത്തം ആഘോഷമാക്കുകയാണ്. പലപ്പോഴും പ്രച്ഛന്ന വേഷത്തിലാണ് അതിന്റെ ദംഷ്ട്രകൾ ആണ്ടിറങ്ങുന്നതെന്നു മാത്രം. രാഷ്ട്രീയാധികാരം ഇന്ന് ഏകാധിപത്യം പോലുമല്ലാതെ സമഗ്രാധിപത്യത്തിൽ എത്തി നിൽക്കുന്നു. അതിന്റെ ശിൽപ്പികൾക്ക് കരുക്കൾ നീക്കി വിജയം കൊയ്തെടുക്കാൻ ജനാധിപത്യം നല്ല തുറസ്സാണ്. ജനങ്ങളുടെ അനുവാദത്തോടു കൂടി അവരുടെ മാംസം മാത്രമല്ല ആത്മാവുണ്ടെങ്കിൽ അതും അപഹരിക്കാം. അതും അവർക്കു വേണ്ടിത്തന്നെയാണെന്ന് അവരെ എളുപ്പം വിശ്വസിപ്പിക്കാം. വിശ്വാസം അതല്ലേ എല്ലാം എന്ന് ചോദിച്ചാൽ മതി. കഴുതകളായിരിക്കാൻ അവർ വിധിയുടെയും വിശ്വാസത്തിന്റെയും ഏതു വിഴുപ്പുഭാണ്ഡവും പേറും. ചുറ്റും നൃശംസതകൾ മഴ പോലെ പെയ്തു കൊണ്ടിരിക്കുന്നു. പറയേണ്ടതു മറച്ചുവയ്ക്കുന്നതിൽ വ്യാജ സംതൃപ്തി നേടുന്ന വൃത്താന്ത വ്യവസായവും കൂടിയാവുമ്പോൾ ദുരന്തം പൂർത്തിയാവുന്നു.

വാസ്തവങ്ങൾ ഈ ഇച്ഛക്കനുസരിച്ച് വ്യാഖ്യാനക്ഷമങ്ങളാവുന്നു എന്നതാണ് നാം കടന്നുപോകുന്ന കാലത്തിന്റെ മറ്റൊരു ദുരന്തം . അവ എപ്പോഴും ശരിയുത്തരങ്ങൾ മാത്രം പറഞ്ഞു കൊണ്ടിരിക്കുന്നു. ഈ നിലയിൽ കക്ഷി രാഷ്ട്രീയം നാനാർഥങ്ങൾ നൽകി എത്രയും യാന്ത്രികമായി വാസ്തവങ്ങളെത്തന്നെ പല രീതിയിൽ ജനജീവിതത്തിൽ പ്രക്ഷേപിച്ചു കൊണ്ടിരിക്കുന്നു. അത് അധികാരത്തിന്റെ ബലതന്ത്രമാണ്. ഒരാൾ വ്യക്തിയല്ല, ആൾക്കൂട്ടത്തിലല്ലാതെ അയാൾക്ക് ഉച്ചാരണങ്ങൾ പാട്ടില്ല. മുകളിൽ നിന്ന് മുറ തെറ്റാതെ പെയ്യുന്ന മഴക്കും വെയിലിനും അയാൾ വിധേയനാവണം. അയാളുടെ സ്വപ്നങ്ങളും സങ്കൽപ്പങ്ങളും ഒരേ കാലാവസ്ഥയിൽ സൃഷ്ടിച്ചെടുക്കുക — അതാണ് സംഭവിച്ചു കൊണ്ടിരിക്കുന്നത്.

ഓർമകൾ അഭയം നൽകി പ്രവർത്തനക്ഷമമാകുന്നത് ഇവിടെയാണ്. അപ്പോൾ ഗ്രസിക്കപ്പെട്ട നിസ്സഹായത നഷ്ടപ്പെട്ട സ്വാതന്ത്ര്യത്തെ വീണ്ടെടുക്കും. അതിന് നില നിന്നു പോരുന്ന പരിശീലന സിദ്ധാന്തങ്ങൾ മതിയാകാതെ വരും. പുതിയ അനുഭവ പാഠങ്ങൾ സ്വാംശീകരിച്ച് പ്രതിഷേധിക്കുകയും പ്രതിരോധിക്കുകയും ചെയ്യുക ക്ലേശകരമാണെങ്കിലും പുതിയ പ്രത്യാശകൾ സാക്ഷാത്കരിക്കാൻ മറ്റു മാർഗങ്ങളൊന്നുമില്ല. മനുഷ്യൻ എന്ന ശബ്ദം നിശ്ശബ്ദതക്കു വേണ്ടിയല്ല, പ്രതിധ്വനിക്കു വേണ്ടിയാണ്. തീർച്ച. അതാണ് ചരിത്ര നിയമം. അത് ഭാവി ജീവിതത്തിൽ മുഴങ്ങു കതന്നെ ചെയ്യും

Leave a Reply

Your email address will not be published.

Share this post

സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം.
കാണുന്നതും കേള്‍ക്കുന്നതും സത്യമാണ്‌.
എന്നാല്‍ കാണാന്‍ പാടില്ലാത്തതും കേള്‍ക്കാന്‍ പാടില്ലാത്തതും ഇഷ്ടംപോലെ.
സത്യമെങ്ങനെ പറയാം, എങ്ങനെ അനുഭവിക്കാം എന്നാലോചിക്കുന്ന പത്ര ഭാഷ്യത്തിലേക്ക്‌…
പോസിറ്റീവ്‌ ജേര്‍ണലിസത്തിന്റെ പുനരാവിഷ്‌ക്കാരം.
ആശയങ്ങള്‍ക്കും സംവാദങ്ങള്‍ക്കും ഇടം തേടി ഒരു ഡിജിറ്റല്‍ മാഗസിന്‍.

Categories
സ്ത്രീ/പുരുഷൻ
(6)
സിനിമ
(15)
സാഹിത്യം
(18)
സംസ്കാരം
(2)
സമകാലികം
(1)
സംഗീതം
(9)
വിശകലനം
(4)
വിദ്യാഭ്യാസം
(10)
വാലന്റൈയിന്‍ ഡേ
(3)
വായന
(3)
ലേഖനം
(28)
റിപ്പോർട്ട്
(1)
യുദ്ധം
(4)
യാത്ര
(9)
പ്രസംഗം
(1)
പ്രവാസം
(4)
പുസ്തകപരിചയം
(15)
പരിസ്‌ഥിതി
(3)
നിരൂപണം
(9)
ചെറുകഥ
(23)
ചിത്രകല
(4)
കവിത
(116)
കഥ
(22)
കത്ത്
(2)
ഓർമ്മ/സ്വർണഞരമ്പ്
(16)
ആരോഗ്യം
(1)
ആത്മീയം
(4)
അഭിമുഖം
(6)
അനുഭവം
(11)
Featured
(3)
Feature
(2)
Editorial
(22)
Editions

Related

സർഗ്ഗാത്മകതയുടെ നാലു പതിറ്റാണ്ടുകൾ…..

ശാന്തിനികേതനിലെ തന്റെ കലയും ജീവിതവുമിഴചേർന്ന അനുഭവങ്ങൾപങ്കു വയ്ക്കുകയാണ് വെള്ളിനേഴിയിലെ വീട്ടിൽ നിന്നും ലതാ പൊതുവാൾ.വെള്ളിനേഴിയിലെ കഥകളിമേളത്തിനിടയിലും പച്ചപ്പിന്റെമനോഹാരിതയിലും, കുടുംബ ജീവിതം നയിക്കുമ്പോഴും ലതാപൊതുവാളിന്റെ മനസ്സിൽ നിന്നും…

ഗുരു

നാരായണ ഗുരു കടന്നുപോയ കാലം കേരളമില്ലായിരുന്നു, മലയാളമേ ഉണ്ടായിരുന്നുള്ളു. ഗുരു കടന്നുപോയതിനു ശേഷം കേരളമുണ്ടായി, അപരിചിതനായ ഒരു മനുഷ്യനെപ്പോലെ കേരളത്തിന്റെ കാലവളർച്ചയുടെ ഓരോ ദശകത്തിലും നാരായണൻ…

നാരായണഗുരു ഒരു ഇമ്മനെന്റലിസ്റ്റ് ചിന്തകൻ

ബുദ്ധനെയും ലാവോ സുവിനെയും പോലെ എല്ലാവർക്കും ഒറ്റധർമം എന്ന് സങ്കൽപ്പിച്ചയാളായിരുന്നു നാരായണഗുരു. ജഗത്തിൽ ഉള്ളടങ്ങിയ ഒന്നാണ് , ജീവന്റെ ജൈവികമായ ഒരു ശേഷിയാണ് ധാർമികമാവൽ എന്ന്…