സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

ജീവന കല

പരിഭാഷ : ബിനോയ് . വി

എലിസബത്ത്‌ ബിഷപ്പിന്റെ ONE ART
എന്ന കവിതയുടെ പരിഭാഷ .

നഷ്ടമാകലിന്റെ കലയിൽ പ്രാവീണ്യം നേടുക
തികച്ചും അനായാസകരമാണ്. ജീവിതത്തിന്റെ വിവക്ഷ മറ്റൊന്നല്ലാതിരിക്കെ.

നഷ്ടപ്പെടുമെന്നുള്ളത് സ്പഷ്ടമാണ്.
നഷ്ടങ്ങൾ ദുരന്തങ്ങളല്ലാതാകുമെന്നതും. ദിനംപ്രതി എന്തെങ്കിലും നഷ്ടമാകുക.
നഷ്ടങ്ങൾ ശീലമാക്കുക .

കളഞ്ഞപോയ താക്കോൽക്കൂട്ടത്തെയോർത്തു
നീരസപെട്ടു നഷ്ടമാക്കിയ നാഴികകൾ മറന്നേക്കൂ.

നഷടമാകലിന്റെ കലയിൽ പ്രാവീണ്യം നേടുക
തികച്ചും അനായാസകരമാണ് .

ജീവിതത്തിന്റെ വിവക്ഷയതു തന്നെയായിരിക്കെ, എത്രയും വേഗം കൂടുതൽ നഷ്ടമാകുന്ന- തെങ്ങെനെയെന്നു അഭ്യസിക്കുക.

പുറപ്പെടാനൊരുങ്ങിയ ഇടങ്ങൾ
ഓർക്കാനെടുത്തു വെച്ച പേരുകൾ
സ്വയം കുരുത്ത മണ്ണടരുകൾ
നാട്ടിയ വേലിത്തലപ്പുകൾ.

നഷ്ടപ്പെടുമെന്നുളളത് സ്പഷ്ടമാണ്.
നഷ്ടങ്ങൾ അത്യാഹിതങ്ങളാവില്ലയെന്നതും. നോക്കൂ , സ്നേഹസമ്മനമായി അമ്മയെനിക്ക് തന്ന കൈ വാച്ച് നഷ്ടപ്പെട്ടിരിക്കുന്നു. എന്തിനധികമായോർമ്മപോലും.

ഞാൻ തങ്ങിയ വീടുകൾ
ചുമരുകൾ , വരാന്തകൾ ,വിരുന്നുകൾ,
ഉറ്റവർ, ഉദയങ്ങൾ , ഉദ്യാനങ്ങൾ ഞാനേറെ ഇഷ്ടപെട്ട രണ്ടു നഗരങ്ങൾ
സ്വന്തമാക്കിയടക്കിവെച്ച അധികാര സീമകൾ. രണ്ടു നദികൾ, ഒരു ഭൂഖണ്ഡം
എല്ലാം നഷ്ടമായിരിക്കുന്നു.

അത്യന്തം തീവ്രമായ അഭാവത്തിലും
നഷ്ടങ്ങളൊന്നും ദുരന്തങ്ങളല്ലാതായിരിക്കുന്നു.

നീ പോലും എനിക്കു നഷ്ടമായിരിക്കുന്നു.
കളിവാക്കുകൾ , ഭാവ വിലാസങ്ങൾ
ചേർത്തണച്ചകിതപ്പുകൾ.

ഞാനെന്തിന് നുണ പറയണം. നഷ്ടമാകാലിന്റെ കലയിൽ പ്രാവീണ്യം നേടുക അനായാസകരമാണ്. ജീവിതത്തിന്റെ വിവക്ഷയതായിരിക്കെ.

ഒരുപക്ഷെയതൊരു ദുരന്തത്തെ ഓർമിപ്പിക്കുമെങ്കിലും
ശീലമായാലെന്തും ആയാസരഹിതമാണ് .

Leave a Reply

Your email address will not be published. Required fields are marked *

Share this post

Related

വീട്

വീട് നിർമിക്കുമ്പോൾ നാം നമ്മെ നിർമ്മിക്കുകയാണ്. നിർമ്മാണം എന്നത്നാം കുക്കിംഗ് എന്ന് പറയുന്ന പോലെ എല്ലാ ചേരുവകളും പാകത്തിന് ഉൾപ്പെടുത്തി കൊണ്ട് രുചികരമാക്കുന്ന പ്രക്രിയയാണ്. ഒരാവിഷ്ക്കാരം,…

സമരം ചെയ്യേണ്ടതുണ്ട്

കഴിഞ്ഞ ദിവസം തൃശൂർ വിയ്യൂരിലെ അതീവ സുരക്ഷാ ജയിലിലെ അന്തേവാസികൾക്കൊപ്പം വർത്തമാനം പറഞ്ഞിരുന്നത് ജീവിതത്തിൽ എന്നെന്നും സ്മരിക്കുന്ന അനുഭവമായി തുടരാതിരിക്കില്ല. അതത്രയും ഹൃദയസ്പർശിയായിരുന്നു. ആദ്യമായാണ് ഒരു…

ലോകം എല്ലാരുടേതുമാണെന്ന് ബഷീർ പറഞ്ഞതിന് ശേഷം, പിന്നീട് കണ്ണിലുടക്കുന്നത് ഏഴാംഭ്രാന്തനാണ്.

വല്ലാത്തൊരു വായനാനുഭവം ഇവിടെ കുറിക്കട്ടെ. അവസാനിച്ചു, വീണ്ടും വരികൾ തേടണമെന്ന് മന്ത്രിച്ചു കൊണ്ടുതന്നെ,ഇനിയും ചെല്ലണം, ആഴത്തിലിറങ്ങി ചെല്ലണമെന്ന് മനസ്സ് ആവർത്തിച്ചു. അശ്രദ്ധയിലെങ്ങാനും ഒരു വരി വിട്ടുപോയിട്ടുണ്ടെങ്കിലോ,…