ഭൂമിയില്‍ ഇന്നോളം കണ്ടതിൽ വെച്ച്‌ ഏറ്റവും മനോഹരമായ കലാസൃഷ്ടി മനുഷ്യനാണെന്ന മഹാസമവാക്യത്തെ അന്വര്‍ത്ഥമാക്കുന്ന ഒരിടം തേടി തുടങ്ങുകയാണ്‌. ജീവിച്ചിരിക്കെ ഒരിതിഹാസസാന്നിധ്യമായി വളര്‍ന്ന പി.എന്‍. ദാസ്‌ എന്ന അധ്യാപകന്റെ ഉണര്‍വ്വുകളില്‍ കണ്ടും കേട്ടും അനുഭവിച്ചും കിട്ടിയ സ്വാതന്ത്ര്യത്തിന്റെ മഹാനദിയാണ്‌ ഞങ്ങളുടെ കണ്ണിലുള്ളത്‌. ഒരു വാക്കുകൊണ്ടുപോലും മറ്റൊരാളെ വേദനിപ്പിക്കാത്ത ആ വലിയ മനുഷ്യന്റെ മനസ്സും സ്‌നേഹവും ഉണര്‍വ്വിന്റെ ഓരോ പ്രഭാതത്തിലും ജന്മസുകൃതമായി സ്വീകരിക്കുന്ന കുറച്ച്‌ സുഹൃത്തുക്കളുണ്ട് പരിചയത്തിൽ. അവരാണ്‌ ഈ ഓണ്‍ലൈന്‍ മാഗസിന്‍ ഇറക്കുന്നതിന്‌ പ്രചോദനമായി തീര്‍ന്നത്‌.
അകാലത്തില്‍ ഞങ്ങളെ വിട്ടുപോയ ആ ആത്മസുഹൃത്തിന്റെ സങ്കല്‌പങ്ങളില്‍ വളര്‍ന്ന ‘സ്വര്ണഞരമ്പ് ‘ പ്രതിഭകളെ വിശേഷിപ്പിക്കാന്‍ അദ്ദേഹം പറഞ്ഞു തന്ന ശീര്‍ഷകമായിരുന്നു. അതില്‍ നിന്നാണാരംഭിക്കുന്നത്‌.
- December 4, 2020
- Editorial
