സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

അതിഥി തൊഴിലാളികളുടെ പൊള്ളുന്ന ജീവിതം

ഗൗരി


മലയാളത്തിലെ ശ്രദ്ധേയനായ യുവകഥാകൃത്തും നോവലിസ്റ്റും ചിത്രകാരനുമായ അമലിൻ്റെ,” ബംഗാളി കലാപം” എന്ന നോവൽ വ്യത്യസ്തമായ ഒരു വിഷയത്തെയാണ് കൈകാര്യം ചെയ്യുന്നത്.മലയാള സാഹിത്യത്തിൽ അധികമാരും കടന്നു ചെല്ലാത്ത മേഖലകളിലൂടെയാണ് കഥാകാരൻ്റെ പ്രയാണം. മനുഷ്യനന്മയിൽ വിശ്വസിക്കുന്ന അനാറുൾ ഇസ്ലാം എന്ന ബംഗാളി തൊഴിലാളിയും വാഹിദ് എന്ന മലയാളി തൊഴിലാളിയുമാണ് ഈ നോവലിലെ (പധാന കഥാപാത്രങ്ങൾ.


ഇതര ദേശ തൊഴിലാളികളെ പൊതുവെ നമ്മൾ ‘ബംഗാളി” എന്നാണ് വിശേഷിപ്പിക്കാറ്. അസമിൽ വേരുള്ള അനാറുൾ ഇസ്ലാമിൻ്റെ പൊള്ളുന്ന ജീവിതമാണ് അമൽ വരച്ചുകാട്ടുന്നത്.
തൻ്റെ നരകജീവിതം മനസിൽ കോറിയിട്ട ചിന്തകളെ കടലാസിൽ പകർത്തി വിമാനം പറത്തി വിടുന്ന അനാറുൾ നമ്മളിന്നോളം കാണാത്ത നായക കഥാപാത്രമാണ് . അയൽ സംസ്ഥാന തൊഴിലാളികൾ കാണുന്ന കേരളമാണ് നോവലിൻ്റെ ആകെ തുക. ക്ഷാമത്തെയും പട്ടിണി മരണങ്ങളെയും നേരിടാൻ കേരളത്തിലെ തൊഴിലിടങ്ങളിൽ എത്തിയ അതിഥി തൊഴിലാളികൾ സൃഷ്ടിച്ച സാമൂഹിക മാറ്റങ്ങളെ നോവലിൽ നന്നായി വിശകലനം ചെയ്യുന്നു. അനാറുൾ കാണാനിട വരുന്ന ദാരുണമായ ഒരു കൊലപാതകമാണ് നോവലിൻ്റെ അടിസ്ഥാന ഘടകം. അനാറുളിൻെറ ഓർമകളിലൂടെ നോവൽ വികസിക്കുന്നു. കലാപങ്ങൾ മനുഷ്യരുടെ സാംസ്കാരിക ഉള്ളടക്കം പുറത്തു കൊണ്ടുവരുമെന്ന് നോവൽ പറയുന്നു.കേരളത്തിൻ്റെ തൊഴിലിടങ്ങളിൽ വന്ന മാറ്റം സാമൂഹിക സുരക്ഷയ്ക്ക് ഭീഷണിയാണെന്ന പൊതുബോധത്തിൻ്റെ പൊള്ളത്തരത്തെ ബംഗാളി കലാപം തുറന്നുകാട്ടുന്നു.അയൽ സംസ്ഥാന തൊഴിലാളികൾ സ്ത്രീകളുടെ സുരക്ഷിതത്വത്തിന് ഭീഷണിയാണെന്ന പ്രചാരണവും നോവൽ വിമർശിക്കുന്നുണ്ട്.


പിറന്നു വളർന്ന മണ്ണിൽ അഭയാർത്ഥികളായി തീരുന്ന മനുഷ്യരെ ലോകത്തെങ്ങുമുള്ള വേട്ടയാടപ്പെടുന്നവരോടൊപ്പം ചേർത്തുവച്ചു കൊണ്ട് മൃഗതുല്യമായ അസ്ഥിത്വം പോലും അവർക്ക് നിഷേധിക്കുന്നത് ആരാണെന്ന ചോദ്യം ഉയർത്തി കൊണ്ടാണ് ഈ നോവൽ അവസാനിക്കുന്നത്. പൊള്ളുന്ന ജീവിതം പേറിയെത്തുന്ന ഓരോ അതിഥി തൊഴിലാളിക്കും ആഗ്രഹസാഫല്യത്തിനുള്ള അക്ഷയ സാധ്യതയാണ് കേരളം.

Leave a Reply

Your email address will not be published.

Share this post

സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം.
കാണുന്നതും കേള്‍ക്കുന്നതും സത്യമാണ്‌.
എന്നാല്‍ കാണാന്‍ പാടില്ലാത്തതും കേള്‍ക്കാന്‍ പാടില്ലാത്തതും ഇഷ്ടംപോലെ.
സത്യമെങ്ങനെ പറയാം, എങ്ങനെ അനുഭവിക്കാം എന്നാലോചിക്കുന്ന പത്ര ഭാഷ്യത്തിലേക്ക്‌…
പോസിറ്റീവ്‌ ജേര്‍ണലിസത്തിന്റെ പുനരാവിഷ്‌ക്കാരം.
ആശയങ്ങള്‍ക്കും സംവാദങ്ങള്‍ക്കും ഇടം തേടി ഒരു ഡിജിറ്റല്‍ മാഗസിന്‍.

Categories
സ്ത്രീ/പുരുഷൻ
(4)
സിനിമ
(15)
സാഹിത്യം
(16)
സംസ്കാരം
(1)
സമകാലികം
(1)
സംഗീതം
(9)
വിശകലനം
(4)
വിദ്യാഭ്യാസം
(10)
വാലന്റൈയിന്‍ ഡേ
(3)
വായന
(3)
ലേഖനം
(26)
റിപ്പോർട്ട്
(1)
യുദ്ധം
(4)
യാത്ര
(8)
പ്രസംഗം
(1)
പ്രവാസം
(4)
പുസ്തകപരിചയം
(15)
പരിസ്‌ഥിതി
(3)
നിരൂപണം
(9)
ചെറുകഥ
(22)
ചിത്രകല
(4)
കവിത
(103)
കഥ
(21)
കത്ത്
(2)
ഓർമ്മ/സ്വർണഞരമ്പ്
(9)
ആരോഗ്യം
(1)
ആത്മീയം
(4)
അഭിമുഖം
(6)
അനുഭവം
(11)
Featured
(3)
Feature
(2)
Editorial
(19)
Editions

Related

പോർത്തുഗീസ് കവിത

അതെ, ഞാൻ പാടുന്നു ജോസെ റെഗിയോ അതെ ഞാൻ പാടുന്നു,അതാണെന്റെ ഭാഗധേയംപക്ഷേ ഞാൻ പാടുന്നതു തീപ്പിടിച്ച ഒരു കെട്ടിടത്തിൽ എല്ലാവരും മറന്നിട്ടുപോയ ഒരു കുഞ്ഞു വെണ്മാടത്തിൽ…

സേത്തുമാൻ

രാഷ്ട്രീയ ഹിന്ദുത്വം അധികാരം ഉറപ്പിക്കുന്നത് സാംസ്ക്കാരികമായ അധിനിവേശത്തിലൂടെ കൂടിയാണ്. എന്നാൽ ഫാസിസം ഉയർത്തി കാണിക്കാൻ ശ്രമിക്കുന്ന ഏകശിലാത്മകമായ ഹിന്ദുത്വമെന്ന ബൃഹത് ബിംബത്തിന്റെ അധികാരരൂപത്തെ ചോദ്യം ചെയ്യാൻ…

മാററം

പെട്ടെന്ന്, ചെറികൾ വന്നു–. ചെറികൾ നിലനില്ക്കുന്ന കാര്യം തന്നെ ഞാൻ മറന്നുപോയിരുന്നു, അങ്ങിനെ അവ സ്വയം പ്രഖ്യാപിക്കാൻ കാരണമായിത്തീർന്നു— എങ്കിലും, ചെറികൾ ഉണ്ടായിരുന്നിട്ടേയില്ല. ഇപ്പോൾ അവയുണ്ടായി,…