സ്വര്‍ണഞരമ്പ്‌

സ്വതന്ത്ര പത്രപ്രവര്‍ത്തനത്തിന്‌ ഒരാമുഖം

സന്തോഷ് ഇലന്തൂർ

എഴുത്തുകാരും തത്ത്വ  ചിന്തകരുമായ സീമോൺ ഡി ബുവെയുടെയും,  ജീൻ പോൾ സാർത്രെയുടെയും ജീവിതം ഇരുപതു വർഷത്തെ  പഠനങ്ങളിലൂടെയും   നിരീക്ഷണങ്ങളിലൂടെയും  സഞ്ചരിച്ച് നിഷ അനിൽകുമാർ എഴുതിയ നോവൽ ആണ് ‘അവധൂതരുടെ അടയാളങ്ങൾ’

സീമോണിൻ്റെ memories of dutiful daughter എന്ന കൃതി വായിച്ചതോടെയാണ് അവരെ കുറിച്ച് നോവൽ എഴുതണം എന്നുള്ള ആഗ്രഹം ഗ്രന്ഥകാരിയുടെ  ഉള്ളിൽ കയറി കൂടിയത്   വിവാഹിതരാകാതെ ഒരു പുരുഷനും സ്ത്രിക്കും സഹയാത്രികരായി ജീവിക്കാൻ സാധിക്കുമെന്ന് തെളിയിച്ച സീമോൺ ദ് ബൂവെയുടെയും ജീൻ പോൾ സാർത്രെയുടെയും ജീവിതങ്ങൾ ചേർത്തിണക്കി പ്രണയത്തെ മറ്റൊരു ഭാവതലത്തിലേക്കു കൊണ്ടുവന്നിരിക്കുന്നു ഈ നോവൽ .

ബൂവയുടെ ഓർമ്മകളിലൂടെയാണ് നോവൽ അനാവരണം ചെയ്യപ്പെട്ടുന്നതെങ്കിലും സാർത്രെയുടെ ചിന്തകളേയും അതിൽ മനോഹരമായി ഉപയോഗിച്ചിരിക്കുന്നു..

ആശയപരമായ നിലപാടുകളുടെ സമ്മർദ്ദത്താൽ സാഹിത്യത്തിനുള്ള  നോബൽ പുരസ്കാരം നിരസിച്ചയാളാണ് ജീൻ പോൾ സാർത്രേ. ആധുനിക മനുഷ്യൻ്റെ സാംസ്കാരിക ചിന്താ മണ്ഡലത്തിൻ്റെ കൊടുങ്കാറ്റായിരുന്നു അവരിരുവരും. ആ മഹത് വ്യക്തിത്വങ്ങളുടെ സ്വകാര്യ ജീവിതത്തിൻ്റെ ഉലച്ചിലുകളെ തികഞ്ഞ വെല്ലുവിളികളോടെ എഴുതി നോവൽ ചരിത്രത്തിൽ സുവർണ്ണ അധ്യായം രചിച്ചിരിക്കുന്നു. സത്യത്തെക്കാൾ ഏറെ ഭാവനയും ചരിത്രവും കേട്ടറിവുകൊണ്ട് എഴുതിയ നോവലിലൂടെ വരാനിരിക്കുന്ന തലമുറയ്ക്ക് വേണ്ടി കൂടി അവരെ അടയാളപ്പെടുത്തിയിരിക്കുന്നു.

( കഴിഞ്ഞ വർഷത്തെ തോപ്പിൽ രവി പുരസ്കാരം ലഭിച്ചതാണ് ‘അവധൂതരുടെ അടയാളങ്ങൾ’ . കൈരളി  ബുക്‌സ് ആണ് പുസ്തകം പ്രസിദ്ധീകരിച്ചിരിക്കുന്നത് )

Leave a Reply

Your email address will not be published. Required fields are marked *

Share this post

Related

വീട്

വീട് നിർമിക്കുമ്പോൾ നാം നമ്മെ നിർമ്മിക്കുകയാണ്. നിർമ്മാണം എന്നത്നാം കുക്കിംഗ് എന്ന് പറയുന്ന പോലെ എല്ലാ ചേരുവകളും പാകത്തിന് ഉൾപ്പെടുത്തി കൊണ്ട് രുചികരമാക്കുന്ന പ്രക്രിയയാണ്. ഒരാവിഷ്ക്കാരം,…

സമരം ചെയ്യേണ്ടതുണ്ട്

കഴിഞ്ഞ ദിവസം തൃശൂർ വിയ്യൂരിലെ അതീവ സുരക്ഷാ ജയിലിലെ അന്തേവാസികൾക്കൊപ്പം വർത്തമാനം പറഞ്ഞിരുന്നത് ജീവിതത്തിൽ എന്നെന്നും സ്മരിക്കുന്ന അനുഭവമായി തുടരാതിരിക്കില്ല. അതത്രയും ഹൃദയസ്പർശിയായിരുന്നു. ആദ്യമായാണ് ഒരു…

ലോകം എല്ലാരുടേതുമാണെന്ന് ബഷീർ പറഞ്ഞതിന് ശേഷം, പിന്നീട് കണ്ണിലുടക്കുന്നത് ഏഴാംഭ്രാന്തനാണ്.

വല്ലാത്തൊരു വായനാനുഭവം ഇവിടെ കുറിക്കട്ടെ. അവസാനിച്ചു, വീണ്ടും വരികൾ തേടണമെന്ന് മന്ത്രിച്ചു കൊണ്ടുതന്നെ,ഇനിയും ചെല്ലണം, ആഴത്തിലിറങ്ങി ചെല്ലണമെന്ന് മനസ്സ് ആവർത്തിച്ചു. അശ്രദ്ധയിലെങ്ങാനും ഒരു വരി വിട്ടുപോയിട്ടുണ്ടെങ്കിലോ,…